Zumba u di rinzete u txi gonda timhaka to tshima ta mu ka Bhiblia

Lera Dhaniyeli 9:1-19 kasi kupfisisa ti to ngu kutxani i di ta lisima kugonda timhaka to tshima ta mu ka Bhiblia.

Gonda to engetela ka didungula donedo. Ngu tihi timhaka ati ti nga di ngadi kumaheka, ni ku ti m’gwesile ngu nzila muni Dhaniyeli? (Dhan. 5:29–6:5) U ndina tipfisa kutxani ngako u di kova ka txiemo txa Dhaniyeli?

Maha wuxolisisi ngu totshe ati ti patekako. Ngu yahi “mabhuku o sawuleka” aya Dhaniyeli ti nga mahako a di ma xolisisile? (Dhan. 9:2, NM; w11-TS 1/1 22 ¶2) Ngu kutxani Dhaniyeli a di wombile tiphazamu takwe ni ta ditiko da Israyeli? (Levhi 26:39-42; 1 Vafu. 8:46-50; dp-TS 182-184) Mkombelo awu Dhaniyeli a nga wu maha wu ti kombisile ngu nzila muni ti to ene i ti mgondi wa Dipswi da Txizimu?​—Dhan. 9:11-13.

Alakanyisisa ngu ti u nga tigonda. Tiwotise tiya:

• ‘Ngu tihi ti ni nga ti mahako kasi ku ni si jikiswi ngu simahakalo sa mafu awa?’ (Mika 7:7)

• ‘I ngu nzila muni ti nova ta tinene kwangu kugonda Bhiblia nga ti Dhaniyeli a nga mahisa tona?’ (w04-TS 1/8 12 ¶17)

• ‘Ngu tihi ati ni nga tipatako ka gondo yangu nipune kasi ku ti ni vhuna ku ni “zumba ni di rinzete”?’ (Mat. 24:42, 44; w12-TS 15/8 5 ¶7-8)