Ati ti ku mndani

Kukhukhela kale, kuembelela i ti txienge txa lisima txa wukhozeli ka vathu va Jehovha. Hambiketo vamwani va thava kuembelela ku di ni vathu vamwani. Hi nga gondisa kutxani kuembelela ngu dipswi do guleka hi dhumisa Jehovha? Msungo wuwa wu ningela txivangelo txa txinene txo embelela ngu litsako ni ti hi nga ti mahako ti to hi tshukwatisa dipswi dathu.

Hi nga gonda tigondo ta lisima ka lulamiselo ya madhoropa a wuthavelo ya ditiko da kale da Israyeli. Ka msungo wo khata, hi na wona ti to ava va nga maha txiwonho va nga wu manisa kutxani wuthavelo ka Jehovha. Ka wa wumbidi, hi na gonda ti to txikombiso txa Jehovha txi nga hi vhunisa kutxani ti to hi divalela vamwani, hi xonipha wutomi ni kumaha wululami.

Misungo yiya ya yimbidi yi seketetwe ka dipapilo da Paulo do ya ka Makristu a Kolosa. Wo khata wu txhamusela ti to hi nga maha txani ngako hi txipfa mawonelo a mafu aya ma pfalako nga ova a manene. Wa wumbidi wu txhamusela mawonelo aya ma nga hi vhalelako makatekwa a Jehovha.