Ati ti ku mndani

Hi nga maha txani ngako hi txi pfa nga txikarato atxi hi ku natxo txa karata ku txi tsanisela? Ka msungo wuwa hi na bhula ngu ndimana yathu ya dilembe ya 2018. Hi na gonda ti to ngu kutxani hi txi lava mtamo ka Jehovha ni ku ene a nga hi ningisa kutxani.

Dilembe diya, txialakanyiso txa lifo la Jesu txi na va ngu 31 ka Março wa 2018. Hi nga ti lulamisela ngu nzila yihi ka tximahakalo txonetxo? Hi na wuyeliswa kutxani hi txi maneka ka txona? Ni ku txialakanyiso txi mahisa kutxani ti to ku va ni wumwewo ka vathu va Txizimu ha mafuni kotshe? Ka msungo wuwa hi na mana tixamulo ta siwotiso soneso.

Sotshe asi hi ku naso si ta ngu ka Jehovha. Kambe ene a hi ninga mkhanjo wo tshumela hi mu ninga, hi thumisa asi hi ku naso ti to hi seketela mthumo wa sengeletano yakwe. Ngu kutxani? Hi wuyelwa ngu txani ngako hi txi dhumisa Jehovha ngu silo sathu sa lisima? Ka msungo wuwa hi mana tixamulo ta kona.

Msungo wo khata wu kombisa ti to i ngu nzila yihi litsako la ditshuri li tako ngu ka kuranda Txizimu i singa ngu ka lirando lo biha ali li nga toloveleka ka “masiku a magwito.” (2 Timoti 3:1) Se wo gwitisa wu kombisa nzila yi vathu va Txizimu va nga hambana ngu yona ni mtalo wa vathu nyamsi wa ditshiku.