Ati ti ku mndani

Txi fanete txiva txihi txikongomelo txathu mbimo yi hi gondelako m’thu Bhiblia? Ngu kutxani i di phazamo kwambi ta hi womba-womba ngu bhabhatiso? Nji txani txi txi nga ti vhalela vaveleki va i ku Makristu kukuzeta vanana vawe ve tsakela kubhabhatiswa? Ka misungo ya timhaka ayi ya yimbidi, hi na mana tixamulo ta siwotiso siya kumweko ni simwani.

Mpostoli Pedro a kuzetile Makristu a dilembe dizana do khata a txi khene: “Zivani kuamukelana mbimo yi mi endelanako.” (1 Pedro 4:9) Ngu kutxani txialakanyiso txonetxo i di txa lisima ka masiku athu? Ngu tihi tinzila ti hi nga kombisako ngu tona kuamukela vapfhumba? Ni ku hi nga mahisa kutxani ku va vapfhumba vavanene? Msungo wuwa wu na xamula siwotiso siya.

Misungo yiya ya timhaka yi na hi vhuna kupfisisa lirando la Txizimu ka nzila yi txi hi kawukako ngu yona. Txizimu txi hi kawukisa kutxani? Hi nga maha txani nga ku Txizimu txi txi hi kawuka? Hi nga tikawukisa kutxani hipune? Mana tixamulo ka misungo yiya.