Txiwuletiso txa txienge 10

Jehovha mkoma wa mafu otshe. Ene mbimo yotshe wa wonelela totshe ati ti mahekako ni ku a na simama e ti wonelela. Ngu txikombiso, ene a hulukisile Jeremiya. A hulukisile Mixake, Xadreke ni Abhedhi-Nego ka diphala da mndilo awu wu nga txi tura ngutu. Ni ku a hulukisile Dhaniyeli kasiku a si dyiwi ngu tingonyamo. Jehovha a vhikete Esteri kasiku e tikota kuhulukisa vathu vakwe. Jehovha kha na mbi tumelela ti to timhaka to biha ti simama ti maheka. Ni ku ka wuprofeti awu wu wombawombako ngu txithombe txa hombe ni wu wu wombawombako ngu mndonga wo lapha ngutu, Jehovha a hi tsanisekisa ti to Mfumo wakwe wu na gumisa wotshe wubihi ni ku wona wu na fuma mafu otshe.