GONDO 15

Womba-womba ngu kukholwa

1 Vatesalonika 1:5

ATI HI NO BHULA NGU TONA: Kombisa ti to wa kholwa ngu kutsaniseka ka ditshuri ni ka ti u ti wombako.

Lungisela kwati. Lungisela kwati txienge txako u wona to titxhamuselo ta Mibhalo ti yelanisa kutxani ni mhaka yi u bhulako ngu yona. Zama kutxhamusela timhaka ta hombe ta txienge txako ngu mapswi a madotho. Tivekiseli ka ti no vhuna vaengiseli vako. Kombela moya wo sawuleka.

Ti to u kota kutxhuka kwati txienge txako, lulamisela ngu dipswi do guleka.
Thumisa mapswi aya ma kombisako kukholwa. Hahanze ko wuyeletela mapswi aya ma nga bhalwa ka txienge txako, thumisa mapswi ako. Womba-womba ngu nzila yi yi kombisako ti to wa tsaniseka ngu ti u ti wombako.
Womba-womba ti txi huma mbiluni ni kuhiseka. Womba-womba ngu dipswi do pfala. Ti di tolovelekile ka wukhalo wonewo, rendekela vaengiseli vako.

U nga womba-wombe ngu kwa mbi na txixonipho. Hambi u txi womba-womba ngu kuhiseka, kombisa lirando ka vaengiseli vako.