GONDO 21
Ma txhumayeliswa kutxani mahungu a manene?
Ku si nga kale Jehovha a na thumisa Mfumo wakwe kasi kuheta sotshe sikarato sathu. Eyo mahungu a manene a yawa votshe ti lavako ve ma ziva. Jesu a gete vagondiswa vakwe ti to ve bhulela votshe vathu mahungu awa. (Matewu 28:19, 20) Tifakazi ta Jehovha ti txi engisisa kutxani txirumo txa Jesu?
1. Dibhuku da Matewu 24:14 di hetiseka ngu nzila yihi nyamsi?
Jesu a wombile ti to: “Evhangeli yiya ya Mfumo yi na huwelelwa ka dotshe ditiko, kasi kumahwa wufakazi ka yotshe mifumo.” (Matewu 24:14) Tifakazi ta Jehovha ta tsaka ngu kumaha mthumo wuwa. Hi txhumayela mahungu a manene hamafuni kotshe ngu tidimi ati ti pindako 1.000. Ti to hi maha mthumo wuwa wa hombe ti lava hi khutala ni ku wu lulamiselwa kwati. I si nga kuvhunwa ngu Jehovha ti si koteki kumaha mthumo wuwa.
2. Ngu yihi mizamo ayi hi yi mahako kasi ku hi kota kutxhumayela vathu?
Txikongomelo txathu ngu txhumayela vathu votshe ku si na mhaka ni ti to va maneka hani. Kufana ni Makristu a kale, hi txhumayela “mu mitini.” (Mithumo 5:42) Ngu nzila yoneyo ha sikota kuwomba-womba ni timiliyoni ta vathu dilembe ni dilembe. Aku vathu va si manekiko mitini mbimo yotshe ha txhumayela amu kupindako vathu vo tala. Hi xota mikhanjo yotshe ti to hi gela vamwani mayelano ni Jehovha ni kudhunda kwakwe.
3. I mani awu a ku ni wutixamuleli wo txhumayela mahungu a manene?
Otshe Makristu a ditshuri ma ni wutixamuleli wo txhumayela vamwani mahungu a manene. Athu kha hi wu tekeli hahatshi wutixamuleli wuwa. Mmwani ni mmwani a maha ati a nga tikotako ka mthumo wuwa nguko ha tiziva ti to wutomi wa vathu wu ha phangoni. (Lera 1 Timoti 4:16.) Kha hi holelwi ngu kumaha mthumo wuwa nguko Bhiblia yi womba tiya: “Mi to ningwa mahala, na nanu va ningeni mahala.” (Matewu 10:7, 8) Hambi keto hi nga votshe vathu va hi engisako. Kambe ha simama hi txhumayela nguko hi lava kuengisa Jehovha ni ku mtsakisa.
ENGETELA WUZIVI WAKO
Ziva to tala ati Tifakazi ta Jehovha ti ti mahako kasi kutxhumayela hamafuni kotshe. U tshumela u wona ati Jehovha a ti vhunisako tona.
Kutxhumayela hamafuni kotshe: A) Costa Rica, B) Estados Unidos, C) Benin, D) Tailândia, E) Yap, F) Suécia
4. Ha khutala ti to hi txhumayela hamafuni kotshe
Tifakazi ta Jehovha ta khutala ngutu ngu kutxhumayela mahungu a manene ka vathu va makhalo otshe. Xalela VHIDHIYO, mi gwita mi bhula ngu txiwotiso atxi txi londiselako.
Ngu tihi ati ti kutsakisako ka mizamo ayi Tifakazi ta Jehovha ti yi mahako kasi ku ti txhumayela?
Lera Matewu 22:39 ni Varoma 10:13-15, mi gwita mi bhula ngu siwotiso siya:
Mthumo wathu wo txhumayela wu ti kombisisa kutxani ti to ha va dhunda vathu?
Jehovha a ti pfisa kutxani ngu vale va txhumayelako mahungu a manene?—Wona vhersikulo 15.
5. Hi vathumi kulothi ni Txizimu
Hi ni wufakazi wo tala awu wo kombisako ti to Jehovha ngene a kongomisako mthumo wuwa. Wona ati ti nga maheka a khe Nova Zelândia ka mwanathu awu a dhanwako ku i Paulo. Ditshiku dimwani ni mitshikari a txi txhumayela ngu m’ti ni m’ti a mani wamsikati awu a nga womba to ni mixo a ti khongete ka Txizimu. Ngu kuthumisa ditina da Jehovha ene a kombete ti to ku ta m’thu mtini kwakwe. Paulo a womba tiya: “Msana ka maora mararu ni to gogota ditimba dakwe.”
Lera 1 Vakorinto 3:9, mi gwita mi bhula ngu txiwotiso txiya:
Timhaka to fana ni tiya ti kombisisa kutxani ti to Jehovha ngene a kongomisako mthumo wakwe?
Lera Mithumo 1:8, mi gwita mi bhula ngu txiwotiso txiya:
Ngu kutxani hi txi lava txivhuno txa Jehovha mbimo yi hi mahako mthumo wo txhumayela?
Ina u ti ti ziva?
Divhiki ni divhiki ha mana trenamento yo txhumayela ka mitshangano ya hagari ka divhiki. Ina u khala kuxalela mitshangano yoneyo? I di ti to u khala kuxalela mitshangano u yi wonisile kutxani trenamento yoneyo?
6. Hi engisa txirumo txiya Txizimu txi nga hi ninga
Ka mbimo ya vapostoli, vamwani va duketile kuemisa mthumo wo txhumayela. Kambe Makristu ma ‘lwete ni kutsanisa Evhangeli.’ (Vafilipiya 1:7) Nyamsi Tifakazi ta Jehovha ti maha ngu kufana.a
Lera Mithumo 5:27-42, mi gwita mi bhula ngu txiwotiso txiya:
Ngu kutxani hi no mbi ema kutxhumayela? —Wona vhersikulo 29, 38, ni 39.
NGAKO VAMWANI VA TXI WOTISA VA TXI: “Ngu kutxani Tifakazi ta Jehovha ti txi txhumayela ngu m’ti ni mti?”
U nga xamulisa kutxani?
ATI HI NGA TI WONA
Jesu a gete vagondiswa vakwe ku ve txhumayela mahungu a manene ka matiko otshe. Jehovha wa vhuna vathu vakwe ti to ve kota kumaha mthumo wonewo.
Ngu tihi ti u nga ti gonda
Mahungu a manene ma txhumayeliswa kutxani hamafuni kotshe?
Mthumo wathu wo txhumayela wu kombisisa kutxani ti to ha va dhunda vathu?
Ina u wona to mthumo wo txhumayela wa tisa litsako? Ngu kutxani?
XOTA TIMWANI
Wona ti Tifakazi ta Jehovha ti txhumayelisako tona madhoropani ka hombe.
Kutxhumayela ngu kuthumisa sikarinyana khe didhoropa ka Paris (5:11)
Tifakazi ta Jehovha ti maha txani kasi kuvhuna ava va nga tutuma yimbi?
Hi nga pfa ati Margarita a nga manisa tona litsako ngu kuva ka mthumo wo txhumayela wutomi wakwe wotshe.
Wona timhaka to kari ati Tifakazi ti nga ganya tribhunali kasi kutxhumayelwa mahungu a manene.
“Vatxhumayeli va Mfumo va yisa timhaka tawe tribhunali” (Mfumo wa Txizimu se wa fuma!, ndima 13)
a Txizimu ngu txona txi tumelelako mthumo wathu wo txhumayela. Ngu toneto, Tifakazi ta Jehovha kha ti emeli mtumelelo wa vathu kasi ku ti txhumayela mahungu a manene.