Tiemisele

Ditshina da mlayo: “Hi xuvile kuabana ni nanu i si nga dipswi da Evhangeli ya Txizimu, dokha, aniko hambi ni wona wutomi hi ti ti lava ku wu ningela ngu kota yanu, nguko anu mi vo randeka ngutu kwathu.”—1 Vat. 2:8.

Ati Jesu a nga ti maha

Jesu atxi bhula ni Nikodhemo nyumbani ya wukoma ni wusiku.

VHIDHIYO: Jesu e gondisa Nikodhemo

1. Wona VHIDHIYO, mwendo kulera Johani 3:1, 2. U gwita u alakanyisisa ngu siwotiso siya:

Ngu kutxani Nikodhemo a di tsakete kubhula ni Jesu ni wusiku?—Wona Johani 12:42, 43.
Jesu a ti kombisisile kutxani to a ti tiemisete kugondisa vathu mbimo yi a nga manana ni Nikodhemo ni wusiku?

Hi gonda txani ka txikombiso txa Jesu?

2. Hi kombisa ti to ha va dhunda vathu ngu ku tiemisela ku va vhuna ve maha vagondiswa.

Etetela Jesu

3. Gondani ngu mbimo yi yi no tsakisa txigondo txako. Ti nga maha a txi tsakela kugonda ngu mbimo yo kari ni ditshiku do kari ka divhiki. Mbimo yimwani a nga tsakela kugonda a di mthumoni, mtini kwakwe mwendo wukhalo wumwani. U nga txitxa programa yako kasi ku yi tsimbitisana ni mbimo yi txigondo txi yi lavako.

4. U nga thindekiseli gondo. I di to u na khukha u nga wombi to mi na mbi gonda. Hahanze keto, pimisa ngu tiya:

Ina mi nga gonda ditshiku dimwani ka divhiki donedo?
Ina u nga tsimbitisa gondo ngu fone mwendo ngu videoconferência?
Ina u nga kombela mmwani to e gonda nayo?

5. Maha mkombelo to u va ni mapimo a manene. Kombela Jehovha e kuvhuna to u simama u gonda ni txigondo txako hambi i di ti to ta txi karatela kugonda masiku otshe mwendo txi txi swela kuthumisa ati txi ti gondako. (Vaf. 2:13) Ti nga maha ku di ni timwani ta tinene ati a ti kotako kumaha. Kombela Jehovha e kuvhuna u veka mapimo ka toneto.

WONA NI

Mav. 3:27; Mith. 20:35; 2 Vak. 12:15