Sileletelo ka vadhelegadhu

BHABHATISO Wukhalo wa ava va yako kubhabhatiswani wu na va wu di vekilwe masoni ka palku ngako ku di ni kutxitxa mi na kombwa kumwani. Ava va yako kubhabhatiswani va fanete kukhalahatsha yi si se khata dhixkursu ngu Mlongiso ni mixo. Mmwani ni mmwani a fanete eta ni dithawula ni siambalo so xonipheka so wulela ngu sona matini.

KULAMULELA TIPHANGO Hi kombela u alakanya to hofisi yiya yi thumisana ni timhaka to lamulela tiphango dwe.

MININGELO Ku thumile male ya yingi, kasi kulungiselela wukhalo wuwa, mitxhini ni mithumo yimwani ya yingi yi yi nga maha to ti tsakisa kumaneka ka mitshangano ni ku hi vhuna ku hi tshuketela ka Jehovha. Miningelo yako ya ku ti dhundela, yi vhuna kuhakela sotshe eso ni ku, yi vhunetela mthumo wa hamafuni kotshe. Ti to ti ku hehukela kumaha miningelo, ku ni mibhalo yo woneka kwati ka makaxa ka otshe madhawa a wukhalo wuwa. U nga tshumela u maha mningelo ngu kuthumisa site ya donate.jw.org. Miningelo yotshe ya bongeka ngutu. Mmidi wu wu Fumako wu tsakela ku mi bonga ngu wuha wanu wu wu vhunetelako ka silaveko sa Mfumo.

MTHUMO WO TININGETELA Ngako u txi ti tsakela kuvhuneta ka mthumo wa malulamiselo a mtshangano wuwa, hi kombela uya ka hofisi ya mthumo wo tiningetela.

SO MWALALA NI SO MANWA Sotshe simaha si si nga manwako si fanete kuyiswa ka Hofisi ya so Mwalala ni so Manwa. Idi ti to u mwalatile so kari, tsula ka hofisi yiya u ya xola si si ku lumbako. Vanana va va nga mwalaleka, va nga yiswa ni vona ka hofisi yiya. Kasi kuvayilela txitrese txo mwalalekelwa ngu vanana hi kombela ti to u wonelela vanana vako.

VAXUNGAMETI Vaxungameti va vekilwe kasi ku kuvhuna. Ha ku kombela ku u thumisana navo ngu kulondeta mkongomiso wawe mayelano ni makhalo o veka kona mimovha, kutsimbitiswa amu ku nga tala ngu vathu, amu mi fanelako kukhalahatsha kona, ni timwani.

WUKALO WO KHALAHATSHA KA WONA Hi kombela u alakanyela vamwani. Khumbula ti to wukhalo wu vekelwa basi ava u endako navo ka mmovha wumwewo, ava mi zumbako mtini kumweko, mwendo ava u gondako navo Bhiblia. Hi kombela ti to u si veki txilo ka wukhalo wu u no mbi khalahatsha ka wona.