Ditshuri mayelana ni Mfumo wa Txizimu
Jesu a gete vagondiswa vakwe kukhongela va txi: “Tata wathu, u ku nzumani, ditina dako di na sawulwe, wu na te kwathu Mfumo wako, ku na mahwe kuranda kwako, amuwa mafuni nga nzumani.” (Matewu 6:9, 10) Nji txani Mfumo wa Txizimu? Wu maha txani? Ngu kutxani hi di fanete ku wu kombela?
Jesu ngene Mkoma wa Mfumo wa Txizimu.
Luka 1:31-33: ‘U na mu raya ditina da ku i Jesu; Ene a na va i di wa hombe, kambe a na dhanwa ku i ‘Mwanana wa Nyatxitimwi.’ Mkoma Txizimu a na mu ninga txikhalo txa tate wakwe Dhavhidha; A na fuma yotshe mbimo ka nyumba ya Jakobe, se mfumo wakwe kha wu na mbi va ni magwito.’
Jesu a ti txhumayela ngu Mfumo wa Txizimu.
Matewu 9:35: “Jesu a txi tsimbilatsimbila sidhoropanani ni mikhokholani, a txi gondisa masinagogani, a txi txhumayela Evhangeli ya Mfumo, ni kuhanyisa vathu ka otshe malwati ni ka totshe tixaka ta mipando.”
Jesu a ningile txikombiso vagondiswa vakwe txa mbimo yi Mfumo wa Txizimu wo no khata kufuma.
Matewu 24:7: “Ditiko di na wukela dimwani ditiko, mfumo wu na wukela wumwani mfumo, ku na va ni tipaya ni mitungu ni kuzinginikela ka mafu, ka makhalo a mangi.”
Konkuwa vagondiswa va Jesu va txhumayela ngu ta Mfumo wa Txizimu ha mafuni kotshe.
Matewu 24:14: “Evhangeli yiya ya Mfumo yi na huwelelwa ka dotshe ditiko, kasi kumahwa wufakazi ka yotshe mifumo. Se msana keto, ngu kona ku no va i di magwito.”