Ina Jehovha a na ti tsakela?

Hi si se maha txisungo txo kari, txi nga va txa hombe mwendo txa txidotho, hi nga tiwotisa tiya: ‘Ina Jehovha a na ti tsakela?’ Hambiku hi no mbi ziva timwani ni timwani ati Jehovha ati alakanyako, ene wa hi gela tidotho ta kona amu ka Dipswi dakwe ti to e hi lulamisela ka “mithumo ya yinene.” (2 Tim 3:16, 17; Var 11:33, 34) Jesu a ti kupfisisa kwati kudhunda ka Jehovha ni ku a thangetisile kona ka wutomi wakwe. (Joh 4:34) Kufana ni Jesu, hi nga maha ti hi nga ti kotako ti to hi maha sisungo asi si tsakisako Jehovha.—Joh 8:28, 29; Vaef 5:15-17.

XALELA VHIDHIYO AYI YI KU: PFISISA ATI I KU KUDHUNDA KA JEHOVHA (LEV 19:18), U GWITA U XAMULA SIWOTISO SI SI LONDISELAKO:

• Ngu kutxani hi di fanete kuthumisa matshina a milayo ya Bhiblia ka wutomi wathu?

• Ngu ahi matshina a milayo ya Bhiblia ma nga hi vhunako hi txi sawula wutxenje?

• Ngu ahi matshina a milayo ya Bhiblia aya ma nga hi vhunako hi txi sawula siambalo ni nzila yo ti lungisa?

• Nga siemo sihi simwani aha hi nga thumisako matshina a milayo ya Bhiblia ka wutomi wathu?

• Hi nga pfisisa kwati ati i ku kudhunda ka Jehovha ngu nzila yihi?