Sakana ni va va dhundako Jehovha

Ngu kutxani ti txi lava hi sakana ni vathu ava va dhundako Jehovha? Nguko vangana vathu va nga va ni mkuzetelo wo biha mwendo wa wunene kwathu. (Mav 13:20) Ku ni mbimo yi Mkoma Jowasi a nga maha to lulama masoni ka Jehovha mbimo yi a nga ti zumba ni Mphaxeli wa hombe Joyadha. (2 Mak 24:2) Mbimo yi Joyadha a nga fa, Jowasi a tshuralete Jehovha ngu mhaka ya vangana vo biha.—2 Mak 24:17-19.

Ka dilembe dizana do khata mpostoli Paulo a fananisile dibanza ni “nyumba ya hombe” se siro sa dibanza ni “siya.” Hi simama hi va “txiya txa hombe, txo sawuleka, txa kuvhuna ka nyamne wa txona” mbimo yi hi vayilelako kuaka wungana ni mmwani ni mmwani awu a si tsakisiko Jehovha ku ngava txiro txa mwaya mwendo txa dibanza. (2 Tim 2:20, 21) Ngu toneto he simameni hi aka wungana ni va va dhundako Jehovha ni va va no hi vhuna ti to hi m’thumela.

XALELA VHIDHIYO YI YI KU: VAYILELA VANGANA VO BIHA, U GWITA U XAMULA SIWOTISO SI SI LONDISELAKO:

• Ngu tihi tinzila timwani ati vangana vo biha va nga belelako ngu tona ka ta wutomi wathu?

• Ngu kuya ngu vhidhiyo yi hi nga yi xalela, nji txani txi nga vhuna Makristu a mararu ti to me wila wungana ni vathu vo biha?

• Matshina a milayo ya Bhiblia ma nga hi vhunisa kutxani ti to hi sawula vangana?