‘Zumbani mi txi alakanya tiya’

Ta txani? Dibhuku da Vafilipiya 4:8 di womba ti to hi fanete kuzumba hi txi alakanya ngu totshe ti i ku ta ditshuri, ati i ku ta lisima, ati i ku ta kululama, ati ti dhundekako, ati ti ku ni nduma ya yinene, ati i ku ta mahanyelo a manene ni kudhumiseka. Hambiketo, kha ti wombi ti to Makristu ma fanete kualakanya ngu timhaka ta moya mbimo yotshe. Kambe mialakanyo ya mbilu yathu yi fanete yi tsakisa Jehovha. Eto kha ti na mbi holisa kutiemisela kwathu kusimama hi di thembekile kwakwe.—Mas 19:14.

Kha ti hehuki kuvayilela mialakanyo yo biha. Hahanze ko lwisana ni nyama yathu ya kwa mbi hetiseka, hi tshumela hi lwisana ni Sathani, awu i ku “Txizimu txo biha txa ha mafuni.” (2 Vak 4:4) Aku Sathani a wonelelako so ningela ngu sona mahungu, mtalo wa milongoloko ya TV, radhiyo, Internet ni madungula mamwani si tate ngu silo sa nzambwa. Ti lava hi sawula kwati a ti hi ti betako ka mialakanyo yathu, nguko ti gwesa mapimo athu ni simaho sathu.—Jak 1:14, 15.

XALELA VHIDHIYO AYI YI KU: VAYILELA ASI SI HOLISAKO WUTHEMBEKI—MISAKANO YA WALO, U GWITA U XAMULA SIWOTISO SI SI LONDISELAKO:

• 

  Mwanathu a ti xalela txani ka fone yakwe? Toneto ti mu gwesile ngu nzila yihi?

• 

  A vhunisilwe kutxani ngu Vagalatiya 6:7, 8 ni Masalmo 119:37?