MAHANYELO A WUKRISTU

Jehovha a dhunda vathu va va nga basa

Vaveleki vo tala va tikarata ti to ve gondisa vanana vawe ti to ve zumba va di basile. Va tolovela kuwomba tiya: “Samba manza. Rumara kuarto kwako. Hiyela nyumbani. Nda tshotsha nzambwa.” Kambe totshe ti vaveleki va ti gondisako mayelana ni kubasa, ti ta ngu ka Jehovha. (Eks 30:18-20; Dhet 23:14; 2 Vak 7:1) Ngako mmidi wathu ni silo sathu si txi zumba si di basile hi dhumisa Jehovha. (1 Ped 1:14-16) Se kuwombwa txani ngu mtini kwathu ni mu hi manekako kona? Athu hi hambanile ni vathu va va tshotshako nzambwa tiruwani ni ka minambo. Athu kota Makristu, hi maha totshe ti hi nga tikotako ti to hi basisa mtumbuluko. (Mas 115:16; Mtu 11:18) Hambi ka silo sa sidotho ha kombisa ti to hi vathu vo dhunda kubasa. Ngu txikombiso: U nga tshotsha hani txiphephana txa txidhosana, txibhojelana txa sumo, hambi maxuwinga? “Ka totshe hi dhunda kukombisa ti to hi sithumi sa Txizimu.”—2 Vak 6:3, 4.

XALELA VHIDHIYO YI YI KU: ZUMBA U DI BASILE, U TSAKISA JEHOVHA, U GWITA U XAMULA SIWOTISO SIYA:

Ngu tihi ati vamwani va wombako kasi ku ti emelela ti to va si basi?
Mlayo wa Mosi wu ma kombisisa kutxani mawonelo a Jehovha ngu kubasa?
Hi nga m’dhumisisa kutxani Jehova hambi hi sa womba txilo?

Tate a txi bela mmovhani ka mfana wakwe awu wu ku ni nzambwa; tate a bhula ni mfana wakwe ngu mawonelo a Jehovha a mabasiselo; vaphaxeli vambidi ka timbimo ta Israyeli va di emile masoni ka mkamba wa koporo; vanathu va txi huma ngu ka mmovha awu se wu nga basa — Ni nga kombisisa kutxani ka wutomi wangu ti to ni ni mowonela o fana ni a Jehova ngu kubasa?