Ni nga ramba mani?

Dilembe ni dilembe, hi maha mizamo ya hombe yo ramba vathu ka Txialakanyiso. Vo tala va hi va rambako kha hi va zivi. Kambe, ti lava hi ramba ni vathu va hi va zivako. Vathu va va amukelako txirambo ka m’thu wu va m’zivako va talisela kuta ka Txialakanyiso. (yb08-T 11 ¶3; 14 ¶1) Mba mani va u nga va rambako ngu kukongoma?

• Maxaka

• Vathumi mwendo vagondi kuloni

• Vaakelani

• Maendo o wuyela, ava u nga khala kugonda navo ni va u gondako navo Bhiblia

Kasi madhota ma na ramba ava va nga hola ngu didhawa da moya. Se u nga maha txani ngako a va u va zivako va si zumbi mu u zumbako kona? U nga xola mbimo ni wukhalo awu txi no ñolelwa kona Txialakanyiso hafuhi ni ha va zumbako kona ngu kubela ka site ya jw.org u di makhatoni u phwita hale ku ku ZIVA TATHU se u ya aha ku ku “Txialakanyiso.” Mbimo yi u ti lulamiselako ku xalela txialakanyiso txa dilembe diya, alakanyisisa ngu va u no va ramba, se u va yisela txirambo.