Simama u di tsani a ku magwito ma ku hafuhi

NGU KUTXANI TI DI NI LISIMA: Nguko i si nga kale ku na humelela simahakalo so xamatisa a si si no duka txibindi txathu ni ku thembeka kwathu ka Jehovha. Xanisa ya hombe yi na khata mbimo yi ku no loviswa wukhongeli wa makuhu. (Mat 24:21; Mtu 17:16, 17) Ngu mbimo yoneyo ya vhuku-vhuku, ti na ta lava hi va ni txibindi kasi ku hi huwelela didungula da wulamuli. (Mtu 16:21) Hi na ta wonisana ni kuxaselwa ngu Goge wa Magoge. (Eze 38:10-12, 14-16) Ti to e vhikela malanda akwe Jehovha na maha ti to vakoma va ditiko dotshe ‘ve tshangana kasi kuya lwa yimbi ya ditshiku da hombe, da Txizimu txa Mtamo wotshe.’ (Mtu 16:14, 16) Kasi ku hi tsanisa txibindi txathu ka simahakalo sa mbimo yi yi tako, ti lava hi simama hi thembeka mbimo yi likholo lathu li dukwako.

HI NGA MAHISA KUTXANI:

• Ngu txibindi seketela milayo ya Jehovha yo guleka.—Isa 5:20

• Ti pate kumweko ni vanathu mi khozela Jehovha.—Vaheb 10:24, 25

• Tiemisele kuengisa mkongomiso wa Jehovha ni mkongomiso wakwe.—Vaheb 13:17

• Alakanyisisa ngu nzila yi Jehovha a nga ponisa ngu yona vathu vakwe mbimoni ya kale.—2 Ped 2:9

• Maha mkombelo ka Jehovha u tshumela u mthemba.—Mas 112:7, 8

XALELA TXIENGE TXA VHIDHIYO YI YI KU: SIMAHAKALO SA MBIMO YI YI TAKO ASI SI NO LAVA TXIBINDI, U GWITA U XAMULA SIWOTISO SI SI LONDISELAKO:

• 

  Mbimo yi mabanza ma nga patana kuengisa ka vahuweleli ku dukilwe ngu nzila yihi?

• 

  Txibindi ni kuengisa si yelana ngu nzila yihi?

• 

  Mbimo yi ku no hoka Armagedhoni ngu kutxani ku no laveka txibindi?

• 

  Ngu mahi matimu a mu ka Bhiblia aya ma nga tsanisako likholo lathu ka kuhulukisa ka Jehovha?—2 Mak 20:1-24