Dhumisa Jehovha ngu kuva nyaphandule

Vaisryeli va ti ni sivangelo so tala so dhumisa Jehovha. Ene a va humisle Egipta ni ku va hulukisa ka dibutho da Faro! (Eks 15:1, 2) Jehovha wa simama e kombisa wunene vathu vakwe. Hi kombisisa kutxani kubonga Jehovha?—Mas 116:12.

Nzila yimwani yo kombisa kubonga ngu thuma kota nyaphandule wo vhuneka mwendo wa mbimo yotshe. U nga kombela Jehovha ti to e kuninga mtamo ni kuxuva ku va nyaphandule. (Vaf 2:13) Vamwani va khata ngu kuva vanyaphandule vo vhuneta. U nga sawula kuthuma 30 mwendo 50 wa mawora ka mitxima ya Março ni Abril ni ngu mtxima wu hi ku ni divhiki do sawuleka. Msana ko va u di pfite litsako lo thuma kota nyaphandule wo vhuneta u navela kuteka wunyaphandule wa mbimo yotshe. Hambi vamwani va va yako mithumoni ni va vo lwala va teka wunyaphandule. (mwb16-T.07 8) Ti ha kubasani ti to Jehovha wa fanelwa ngu totshe ti hi mu mahelako ngu txikongomelo txo mu dhumisa!—1 Mak 16:25.

XALELA VHIDHIYO YI YI KU MAHORANA MARARU A VAKOMA NI MNANDA A MONGÓLIA, U GWITA XAMULA SIWOTISO SI SI LONDISEKAKO:

• 

  Ngu sihi sikarato asi vanathu vava va nga si xula ti to ve va vanyaphandule?

• 

  Ngu yahi makatekwa aya va nga ma mana?

• 

  Ngu sihi siavelo simwani va nga simama ngu kuthuma kota vanyaphandule?

• 

  Txikombiso txawe txi vhunisile kutxani vamwani?