Vaphya—Ina u teka Jehovha kota mngana wako?

Ngu tihi tifanelo ti u wonako to nda lisima ku mngana wako a di nato? Ti ha kubasani ti to u nga lava ku eva wo thembeka, a di ni wunene ni wuha. Phela Jehovha a nato totshe tifanelo tiya. (Eks 34:6; Mith 14:17) Ene wa engisa mikombelo yako. A ti emisete kukuvhuna ka totshe. (Mas 18:19, 35) Ene wa divalela tiphazamo tako. (1 Joh 1:9) Awalo mngana wo fana ni Jehovha!

U nga sikotisa kutxani ku va mngana wa Jehovha? U nga sikota ngu kugonda Bhiblia ni ku mthemba. (Mas 62:8; 142:2) Kombisa ti to wa ninga silo si i ku sa lisima ka Jehovha, so fana ni Mwanana wakwe, Mfumo wakwe, ni sithembiso sakwe sa mbimo yi yi tako. Bhulela vamwani ngu Jehovha. (Dhet 32:3) Ngako u txi sakulela wungana wa hombe ni Jehovha, ene a na va Mngana wako ngu ha ku si gumiko.—Mas 73:25, 26, 28.

XALELA VHIDHIYO YI YI KU: VAPHYA—“DUKETANI MI TXI TI WONA TO JEHOVHA MBWA MNENE,” U GWITA XAMULA SIWOTISO SI SI LONDISEKAKO:

• 

  U nga ti lulamisela ngu nzila yihi ti to u tiningetela ni kubhabhatiswa?

• 

  Vamwani dibanzani va nga kuvhunisa kutxani ti to u thumela Jehovha?

• 

  Kutxhumayela ku nga wu tsanisa ngu nzila yihi wuxaka wako ni Jehohva?

• 

  Ngu yihi minkhanjo yi u nga yi londolako ka mthumo wa Jehovha?

• Ngu tihi ti u ti tsakelako ngutu ka Jehovha?