TITHOMBA TA MU KA DIPSWI DA TXIZIMU | LEVHI 4-5

Mahela Jehovha ti u ti kotako

5:5-7, 11

Wusiwana kha wa tsivela Vaisrayeli ti to ve maha kudikha ni Jehovha. Hambi va i nga ti sisiwana ngutu va ndi na ningela miningelo yi yi amukelekako ka Jehovha ngu kuya ngu wusikoti wawe. Vona va ndi na ningela ka Jehovha mpupu wa “wunene,” awu wu nga ti fanela kubhikela vapfhumba va lisima ngutu. (Gen 18:6) Ni nyamsi, Jehovha wa amukela “timhamba ta kudhumisa” ti singa ni mhaka ni siemo sathu.—Vaheb 13:15.

Mhaka yiya yi nga kutsanisa ngu nzila yihi ngako u si tikoti kumaha ati u nga ti maha kale ngu mhaka ya malwati mwendo kukula ngu tanga?

Mifota: Vanathu vambidi va txisikati va txi ningela silo sawe kota ‘mningelo wo dhumisa’ Jehovha. 1. Mwanathu wa txisikati atxi txhumayela wamsikati bhazara ka wukhalo wu kuwombwa-wombwako lidimi limwani. 2. Mwanathu wa txisikati a txi bhala mapapilo mtini kwakwe.