Ina u khala kupimisa ngu kuya ka Txikolwa txa Vatxhumayeli va Mfumo?

Ina u ni kona mu ka 23 mwendo 65 wa malembe ni ku u ka mthumo wa mbimo yotshe? U ni dihanyo da dinene mwendo u nga sikota kuthuma ha ku ku ni txilaveko? Ngako xamulo yako i di ina ka siwotiso siya, ina u ta nga ta pimisa ngu kuya ka Txikolwa txa Vatxhumayeli va Mfumo? Kukhukhela txi nga khata txikolwa txiya mipatwa yo tala ni vanathu va i ku magwenda se va rumete mapetisawu. Hambiketo hi nga txi lava to vanathu va i ku ngadi magwenda ve tiemisela kutsula ka txikolwa txiya. Kombela Jehovha ti to e kuengetela minavelo yo mtsakisa ni kuetetela Mwanana wakwe. (Mas 40:8; Mat 20:28; Vaheb 10:7) Ngu msana, alakanyisisa ngu ti u nga tshukwatisako ka wutomi wako, ti patako mthumo mwendo timhaka timwani ti to u faneleka kuya ka txikolwa txiya.

Ngu yihi mikhanjo yi yi nga tulekela ava va nga ya ka txikolwa txiya? Vamwani va avetwe kuya txhumayela ka makhalo ya kuwomba-wombwako lidimi limwani mwendo kuningela wufakazi wa ha kubasani ka madhoropa a hombe ngutu. Ku di pindile mbimonyana, vamwani va avetwe kuya thuma kota vawoneleli va sigava, vawoneleli va sigava vo vhaleta, mwendo kuthuma kota varumiwa. Pimisa ngu ti u nga ti kotako kumaha ka mthumo wa Jehovha ni kuetetela mprofeti Isaya awu a nga khene: “Ngani wuwa, ni rume ani!”—Isa 6:8.

XALELA VHIDHIYO YI YI KU VARUMIWA—VATHUMI VO ELULA, U GWITA U XAMULA SIWOTISO SI SI LONDISELAKO:

• 

  Varumiwa va sawuliswa kutxani?

• 

  Ngu wuhi mthumo wa wunene awu va wu mahako?

• 

  Ngu yahi makatekwa u nga ma manako ngako u txi thuma kota mrumiwa?