Ina u ka nzila yo ya kubhabhatiswani?
MAHANYELO A WUKRISTU
Sawula kuthumela Jehovha
I di ti to u muhuweleli wo mbi bhabhatiswa, mwendo u ngadi u txi gondelwa Bhiblia, ina u tivekete makungo o bhabhatiswa? Ngu kutxani u txi lava kubhabhatiswa? Phela ku tiningetela ni kubhabhatiswa ti kumaha u va ni wuxaka wo sawuleka ni Jehovha. (Mas 91:1) Eto ti nga hi maha hi hulukiswa. (1 Ped 3:21) U nga maha txani ti to u hokelela makungo awa?
Tsaniseka upune ti to atiya ditshuri. Maha wuxolisisi ti to u mana tixamulo ta siwotiso si u nga vako naso. (Var 12:2) Ngako u txi maha kutxitxa tsaniseka ti to u na tsakisa Jehovha. (Mav 27:11; Vaef 4:23, 24) Kombela txivhuno ka Jehovha mbimo yotshe. Tsaniseka ti to Jehovha a na kutsanisa ngu moya wakwe wo sawuleka. (1 Ped 5:10, 11) Mizamo yako hi nga ya mahala. Phela kuthumela Jehovha ngu yona nzila ya yinene ka wutomi!—Mas 16:11.
XALELA VHIDHIYO A YI YI KU: MAZAMBO A YA VAMWANI VA NGA MA TEKA TI TO VE BHABHATISWA, U GWITA U XAMULA SIWOTISO SI SI LONDISELAKO:
Ngu sihi sikarato a si vamwani va nga si xula ti to ve bhabhatiswa?
U nga li kulisisa kutxani likholo li li lavekako kasi ku u tiningetela ka Jehovha?
Nji txani txi nga kuzeta vamwani ti to ve teka mazambo ya ma lavekako ti to ve bhabhatiswa?
Ngu yahi makatekwa ya ma manwako ngu va va sawulako kuthumela Jehovha?
Ti womba txani ku tiningetela ni kubhabhatiswa?