Thumisa sikombiso ti to u junyatisa timhaka ta hombe

Ngako hi txi maha maendo o wuyela mwendo hi txi tsimbitisa sigondo sa Bhiblia, hi fanete hi vhuna vaengiseli vathu ti to ve pfisisa timhaka ta hombe. Ngako hi txi thumisa sikombiso hi txi txhamusela timhaka ta hombe, hi nga gwesa timbilu tawe ni ku ti na va hehukela ti to va si divali ti hi va gondisako.

Mbimo yi u lulamiselako liendo lo wuyela mwendo gondo ya Bhiblia, lulamisela ni sikombiso ti to u ya junyatisa timhaka ta hombe. Thumisa sikombiso so hehuka asi vathu va si zivako. (Mat 5:14-16; Mar 2:21; Luk 14:7-11) Sawula sikombiso so hehuka asi si tsimbitisanako ni txiemo txa m’thu wa kona. (Luk 5:2-11; Joh 4:7-15) Mbimo yi u wonako m’thu a txi tsaka ngu kupfisisa ditshuri da Bhiblia, nawe wa tsaka.

XALELA VHIDHIYO YI YI KU MANALITSAKO LO MAHA VAGONDISWA—TSHUKWATISA WUSIKOTI WAKO—THUMISA SIKOMBISO TI TO U JUNYATISA TIMHAKA TA HOMBE, U GWITA U XAMULA SIWOTISO SIYA:

• 

  Ngu kutxani ti nga lavako hi vhuna sigondo sa Bhiblia ti to si pfisisa tindimana ta Bhiblia?

• 

  Ngu txihi txikombiso txi Rita a nga txi thumisa ti to e txhamusela Varoma 5:12?

• 

  Sikombiso sa sinene si nga va gwesisa kutxani vaengiseli?

• Ngu kutxani i di ta lisima kuthumisa tivhidhiyo mwendo sithumiswa simwani asi si humiswako ngu sengeletano hi txi txhumayela?