Kombisa lirando ha mwayani

Kufana ni kola yi yi kolarako so maha, lirando li nga maha ti to mwaya wu va ni wumwewo. Ngako ha mwayani ku si nga ni lirando, ti nga karata ti to siro sa mwaya si pfana. Vavamna, vavasikati ni vaveleki va nga li kombisisa kutxani lirando ha mwayani?

Wamwamna awu a ku ni lirando wa ninga lisima msikati wako ngu ku engisa mawonelo akwe ni ku pfisisa matipfelo akwe. (Eph 5:28, 29) Ene wa khatalela silaveko sa nyama ni sa moya sa mwaya wakwe, eto ti pata kuva ni wukhozeli wa mwaya wa ni minova divhiki ni divhiki. (1 Tim 5:8) Wamsikati awu a ku ni lirando wa ti veka hahatshi ka mwamna wakwe ni ku wa “engisa.” (Vaef 5:22, 33;1 Ped 3:1-6) Votshe va fanete ku ve tiemisela ku divalelana ti txi huma mbiluni. (Vaef 4:32) Vaveleki a va va ku ni lirando va khatala ngu mwanana mmweyo ngu mmweyo ni ku va va gondisa kuranda Jehovha. (Dhet 6:6, 7; Vaef 6:4) Ngu sihi sikarato asi vanana vano va mananako naso txikolwani? Va wonisana ngu nzila yihi ni mkuzetelo wa titanga? Ngako ku di ni lirando ha mwayani, sotshe siro sa mwaya si na tsaka ni si na tipfa si di vhikelekile.

XALELA VHIDHIYO YI YI KU KOMBISA LIRANDO LO MBI GUMA HA MWAYANI KWAKO, U GWITA U XAMULA SIWOTISO SIYA:

• 

  Wamwamna a wu aku ni lirando a ti kombisisa kutxani ti to wa khatala ngu msikati wakwe?

• 

  Wamsikati a wu aku ni lirando a ti kombisisa kutxani ti to wa xonipha mwamna wakwe?

• 

  Vaveleki ava va ku ni lirando va va gondisisa kutxani vanana vawe Dipswi da Txizimu?