Ñola vavasikati va hombe kota vamame, vavasikati va i ku ngadi vaphya kota tindiyako

Bhiblia yi womba ti to hi fanete kuñola vanathu ava va nga kula ngu tanga kota vamame mwendo vatate ni vanathu va i ku ngadi vaphya kota tindiyathu. (Lera 1 Timoti 5:1, 2.) Vanathu vatxiwamna ngu vona ngutu-ngutu va fanelako kuñola vanathu vatxisikati ngu txixonipho ni txithavo.

Mwanathu wa txiwamna kha fanela kusakana ngu kusiha mwendo kumaha to kari ati ti nga mahako mwanathu wa txisikati a si txhatxheki adi hafuhi nayo. (Job 31:1) Mwanathu watxiwamna awu i ku digwenda kha fanela kumaha ti to mwanathu wa txisikati awu a nga mbi tekwa e tipfa nga wa mlava kuve nem.

Ngako mwanathu wa txisikati a txi tsula ka madhota kuya wotisa ngu mhaka yo kari ayi yi lavako kululamiswa dibanzani, madhota ma fanete ku mu engisela ni kukombisa kualakanyela. Madhota ma fanete kukhatala ngutu ngu vanathu vatxisikati ava va si ngako ni vavamna ava va va vhikelako.—Rut 2:8, 9.

XALELA VHIDHIYO YI YI KU KOMBISA LIRANDO LO MBI GUMA DIBANZANI—KA TINONI NI VO FELWA NGU VAVELEKI, U GWITA U XAMULA SIWOTISO SIYA:

• 

  Dibanza di kombisile lirando ngu nzila yihi ka mwanathu Myint?

• 

  Ngu kutxani lirando li vanathu va nga li kombisa li di ningete wufakazi ka vathu va wukhalo wule?

• 

  Lirando li vanathu va nga li kombisa li va gwesile ngu nzila yihi vanana va mahorana va Myint?

Ngu tihi ti u nga ti mahako kasi kukombisa ti to wa khatala ngu vanathu va dibanzani kwako?