“Thumisa dibroxura ni dibhuku di di ku Hanya wutomi wo tsakisa kala kupinduka!”

Ta tsakisa ngutu kuva ni dibroxura ni dibhuku da diphya ti to hi tsimbitisa ngu sona sigondo sa Bhiblia! Ngu ditshuri hi kombela ti to Jehovha e katekisa mizamo yathu yo maha vagondiswa. (Mat 28:18-20; 1 Vak 3:6-9) Hi nga sithumisa ngu nzila yihi sithumiswa siya sa siphya?

Mamahelo a ya hi no ma thumisa ka dibhuku diya da diphya ma hambanile ni ya hi nga ma tolovela. Tinzila ti ti londiselako ti nga kuvhuna ti to u ti lulamisela ku tsimbitisa gondo ya Bhiblia.a

• Gonda yotshe txhamuselo, u tshumela u wotisa siwotiso ti to u bhula ni txigondo ngu mhaka yoneyo

• Lerani kumweko ni txigondo mibhalo yi yi nga bhalwa ku “lera” u txi vhuna txi pfisisa ti to mibhalo yoneyo yi yelanisa kutxani ni mhaka yoneyo

• Kombisa vhidhiyo, u gwita u thumisa siwotiso kasi kubhula ngu yona

• Zama kuwuseta toshe ti mi nga gonda msana ka gondo yimwani ni yimwani

U di ku txhumayelani, khukhata ningela dibroxura kasi ku wona ti to ina wa ti lava kugonda. (Wona dibhokiso di di ku “Nzila yo ningela dibroxura di di ku: Hanya wutomi wo tsakisa kala kupinduka! tigondo to khata ta Bhiblia.”) Mi txi heta dibroxura dotshe ene a txi lava ku simama ni gondo, msiyele dibhuku mi khata ka gondo 4. I di ti to u txi gonda ni mthu ngu dibhuku di di ku Yi nga hi gondisa txani ni Continue Amar a Deus? Txitxa ngu dibhuku di di ku Hanya wutomi wo tsakisa kala kupinduka! u sawula a hawa mi no khatela kona.

XALELA VHIDHIYO YI YI KU WA HOYOZELWA KA GONDO YA BHIBLIA, U GWITA U XAMULA SIWOTISO SIYA:

• Nji txani a si sigondo si no ti gonda ka dibhuku da diphya?

• Ngu kutxani ti di ni lisima kukomba vhidhiyo sigondo sa siphya?

• Ngu yahi makungo aya u fanelako kuvhuna txigondo ku txi ma hokelela?—Wona dibhokiso di di ku “Tigondo ni txigongomelo txa txienge tximwani ni tximwani”