Simama u treinara mtamu waku wo pfisisa

Mtutumi ti lava e treinara mbimo yotshe ti to asi luzi wusikoti wakwe. Ngu ha kufanako, nathu ti lava hi ti karata ti to hi va ni wusikoti wo pfisisa kwati. (Vaheb 5:14) Ditshuri ti to mbimo yimwani ti nga woneka nga ta hehuka kuetetela sisungo si vamwani va si mahako, kambe ti ni lisima ti to hi andisa wusikoti wathu wo maha sisungo. Ngu kutxani? Nguko mmwani ni mmwani a nata ti xamulela ngu sisungo sakwe.—Var 14:12.

Nda lisima ku hi khumbula ti to athu kha hi mahi sisungo sa sinene ngu ku hi ku ni malembe o tala hi di bhabhatisilwe. Ti to hi maha sisungo sa sinene ti lava hi themba Jehovha, Bhiblia ni sengeletano yakwe.—Jox 1:7, 8; Mav 3:5, 6; Mat 24:45.

XALELA VHIDHIYO YI YI KU “VANA NI LIVHALO LALINENE,” U GWITA U XAMULA SIWOTISO SIYA:

• 

  Ngu txihi txiemo txi Ana a nga manana natxo?

• 

  Ngu kutxani ti di bihile kuwomba mawonelo athu ka timhaka ti ti lavako livhalo?

• 

  Ngu txihi txivhuno atxi Ana a nga txi mana ka mpatwa a wu wu nga kula ngu tanga?

• 

  Ana ati mani hayi timhaka ti a nga txi ti lava ti to e maha txisungo?