Sileletelo so si thumisa ka mthumo wa thembwe

Mitshangano ya mthumo wa thembwe ni mitshangano ya dibanza, i lulamiselo ya Jehovha ayi yi hi mahako hi tsaniselana amu ka lirando ni ka mithumo ya yinene. (Vaheb 10:24, 25) Mtshangano wa mthumo wa thembwe wu fanete wu va ni 5 mwendo 7 wa timeneti, ti patako ku lungiselela magrupu, ku avela materetorio ni ku maha mkombelo. (Ngako mtshangano wu wa wu txi mahwa msana ka mtshangano wumwani wu fanete ku koma ngutu.) Mtsimbitisi wa thembwe a fanete kululamisela ati ti no thumiswa ngu va va no pateka ka mtshangano wa thembwe ka ditshiku donedo. Ngu txikombiso, ku nga wombwa ta tidotho ka mtshangano wa thembwe ngu mlongiso kasi kuningela mawonelo ya ti hi no ti thumisa, ngu ku vahuweleli vamwani va si tikotiko kutxhumayela masiku otshe hagari ka divhiki. Se ngu tihi timhaka timwani ti hi nga bhulako ngu tona?

• Sikombiso sa mabhulo a Bhiblia asi si manekako ka Txibhukwana txa mitshangano

• Nzila yo thumisa mahungu mwendo timhaka ti ti mahekako mgangani kasi kukhata mabhulo

• Nzila yo xamula mthu wu a lavako kuvhala dibhulo

• Ati hi nga ti mahako ngako hi txo mana mthu wu a si kholwiko ka Txizimu, a wu a kholwako ti to silo si to ti mahekela, mthu wu a wombawombako lidimi limwani mwendo mthu wu a ku ka wukhongeli wu wu nga mbi toloveleka mgangani

• Nzila yo thumisa sithumiswa si si ku ka site ya jw.org, ka aplikativho ya JW Library^® mwendo ka Bhiblia

• Nzila yo thumisa Farameti yo Gondisa

• Nzila yo pateka ka matxhumayelelo o hambana hambana o fana ni ku txhumayela ngu foni, kubhala mapasi, kutxhumayela hakubasani, ku maha maendo o wuyela ni ku tsimbitisa sigondo

• Sialakanyiso mayelana ni ku vhikeleka, ku hehuka, ku tiñola ngu nzila ya yinene u di kutxhumayelani, kuva ni mawonelo a manene mwendo timhaka timwani

• Gondo mwendo vhidhiyo ya dibroxura di di ku Hisekela kulera ni kugondisa

• Nzila yo kuzeta ni ku vhuna awu u txhumayelako nayo

• Mbhalo awu wu tsimbitisanako ni kutxhumayela mwendo to manana nato to tsakisa