Vanathu vatxisikati va nga maha txani ti to ve andisa mthumo wawe ka Jehovha?

Vanathu vatxisikati va maha txienge txa lisima ka mthumo wa Mfumo. (Mas 68:11) Vona va tsimbitisa sigondo sasingi sa Bhiblia ni ku mtengo wa wungi wa vanyaphanduli i vanathu vatxisikati. Hahanze keto timiliyoni ta vanathu vatxisikati va thuma Bhetele, kota varhumiwa, vathumi vo tidhundela mwendo ka wu aki ni ka wuhunduluxeli. Vanathu vatxisikati ava va nga vitwa ngu didhawa da moya va tiyisa timwaya tawe ni dibanza. (Mav 14:1) Hambiku ti si koteki ti to vanathu va txisikati ve thuma kota madhota mwendo malanda a wuthumeli, vona va nga tivekela makungo a moya. Ngako u di mwanathu watxisikati, ngu tihi tinzila timwani u nga ti mahako kasi kuengetela mthumo waku ka Jehovha?

• Zama kutshukwatisa timwani ta tifanelo ta moya.—1 Tim 3:11; 1 Ped 3:3-6

• Vhuna vanathu vamwani vatxisikati dibanzani a va va si ngako ni wusikoti.—Tit 2:3-5

• Zama ku tshukwatisa wusikoti wako ka mthumu wo txhumayela u tshumela u engetela mbimo yi u yi hetako u txi txhumayela

• Gonda lidimi limwani

• Thuma mu ku ku ni txilaveko txa hombe

• Prenchera petisawu yo u ya thuma Bhetele mwendo u ya thuma ko aka

• Prenchera petisawu yo u ya ka Txikolwa txa Vatxhumayeli va Mfumo

XALELA VHIDHIYO YI YI KU “VAVASIKATI VA VA THUMAKO NGU KUHISEKA KA MKOMA,” U GWITA U XAMULA TXIWOTISO TXIYA:

• Maesperiyensia a vanathu vatxisikati ma kutsanisile kutxani?