Ditima do sawuleka kasi ku khata sigondo sa Bhiblia ngu Setembro

Ka mtxima wa Setembro hi na maha toshe ti hi nga ti kotako kasi ku khata sigondo sa Bhiblia ka vathu votshe ngu ku thumisa dibroxura di di ku Hanya wutomi wo tsakisa kala kupinduka! Vahuweleli va nga sawula kuthuma kota vanyaphandule vo vhuneta ve thuma mawora a 30. Hi na mahisa kutxani ditima diya do sawuleka?

• Ka liendo lo khata: Thumisa kapa ya msana ya dibroxura di di ku Hanya wutomi wo tsakisa kala kupinduka! ti to u wusa kutsakela u tshumela u mkomba nzilayi yi tsimbitiswako ngu yona gondo ya Bhiblia. Khumbula va va nga kombisa kutsakela, ni va u nga va mahela maendo o wuyela. Hambi va va nga mbi tumela kugonda mbimo yi yi nga pinda va nga tsakiswa ngu nzila ya yiphya ya dibroxura. Kha hafanela ku siya dibroxura hambi mapasi mitini ka va va nga mbi tsakela, mwendo hi nga va pwata. Komisawu ya mthumo yi nga maha malulamiselo ya mitshangano mndani ka mtxima wonewo.

• Mikhanjo yimwani: Ngako dibanza dako ku txi thumiswa txikarinyana txa mabhuku veka dibroxura di di ku Hanya wutomi wo tsakisa kala kupinduka! hakubasani. Gela vathu va va di tsakelako ti to ngu ku thumisa dibroxura diya va nga mana gondo ya Bhilbia ya mahala. Ngako ti txi koteka ngu txikuluveta mkombe ti yi mahiswako tona gondo ya Bhiblia mwendo u nga mkomba ngu mbimo yimwani. Mwoneleli wa mthumo a nga maha malulamiselo ya ti to vahuweleli va va fanelekako ve ya mu kuxaviswako kona so maha ka teritoriyo yanu ve tshumela ve khata gondo ya Bhiblia. U nga khata nawe gondo ya Bhiblia ka va u thumako navo ni ka vale u va manako u txi txhumayela ngu txitshuketi.

Jesu a hi ruma ti to hi “maha vagondiswa,” hi “va gondisa.” (Mat 28:19, 20) Hi emela ti to ditima diya di hi vhuna kuhokelela makungo, o thumisa dibroxura di di ku Hanya wutomi wo tsakisa kala kupinduka!