Ti lulamisele konkuwa ka nzila yi u no thumwa ngu yona ngako u txi ta lwala ta txitshuketi

Ngu kutxani hi di fanete ku ti lulamisela? Malwati o kari mwendo phango ayi ti nga lavako ku u ya bhaxara sibhejela yi nga humelela u sa tiemela. Ngu toneto, maha to kari konku kasi ku u ta mana malulamiselo aya makuho, aya ma no kuvhuna ku u ta thumwa ngu nzila ya yinene. U txi maha toneto u na kombisa ti to wa xonipha wutomi kumweko ni mlayo wa Jehovha ngu mnoha.—Mith 15:28, 29.

U nga maha txani kasi ku u ti lulamisela?

• Maha mkombelo u tshumela u prenxera kwati dikartawu da mnoha i ku DPA.a Vahuweleli ava va nga bhabhatiswa va nga ti manela dikartawu da DPA, ka mwanathu awu a khatalelako mabhuku dibanzani, va nga tshumela ve mana Cartão de Identificação (ci) para vanana vawe vavadotho

• Ngako u di ni txirumbu kombela madhota a dibanza dako ti to me kuninga didhukumentu da Informações para Grávidas (S-401) i ku diphepha da madungula a m’thu awu a ku ni txirumbu. Didhukumentu diya di na kuvhuna ku u maha sisungo sa sinene sa nzila yi u lavako kuthumwa ngu yona ngako u txi tshuka u va ni sikarato ka mbimo yi u ku ni txirumbu mwendo ka mbimo yi u hefemulako

• Ngako u txi va ka txiemo atxi txi lavako mathumelo aya ma patako mnoha mwendo kubhaxara sibhejela, zivisa madhota i di ngadi mbimo u tshumela u zivisa vadhokodhela ti to u na endelwa ngu Tifakazi ta Jehovha

Madhota ma nga kuvhunisa kutxani? Ona ma nga kuvhuna ku u prenxera dikartawu da DPA. Kambe madhota kha ma na mbi kumahela txisungo txa nzila yi u no thumwa ngu yona mwendo me womba mawonelo a ona ka timhaka ati ti lavako ku u tisawulela. (Var 14:12; Vag 6:5) Ngako u txi zivisa madhota ti to u ka txiemo atxi txi lavako mathumelo aya ma patako mnoha, ngu txikuluveta ona ma na fonela Komisawu yo womba-womba ni sibhejela (CLH) ti to yi ta kuvhuna.

Komisawu yo womba-womba ni sibhejela yi nga kuvhunisa kutxani? Vanathu ava va ku ka komisawu yiya va trenarilwe kasi ku ve vhuna ava va thumako sibhejela ni wukoma ku ve pfisisa mawonelo athu mayelano ni mnoha. Vona va nga bhulisana ni dhokodhela wako mayelano ni mathumelo aya ma si patiko kuthelwa ka mnoha. Vona va nga tshumela ve kuvhuna ti to u mana dhokodhela wo pfisisa.

XALELA VHIDHIYO AYI YI KU: U NGA TXI MAHISA KUTXANI TXISUNGO MAYELANO NI MATHUMELO AYA MA SI PATIKO MNOHA, U GWITA U XAMULA SIWOTISO ASI SI LONDISELAKO:

• U gondile txani ka vhidhiyo yiya ati ti nga kuvhunako ti to u ti lulamisela ka siemo asi si nga lavako mathumelo aya ma patako mnoha?

  Your answer