MAHANYELO A WUKRISTU
Jehovha wa hi vhuna kuwonisana ni siduko
Ka masiku yawa a magwito, hi manana ni siduko sa singi so karata. Yimwani mbimo, hi nga pfa nga siduko si hi mananako naso sa nemela ngutu kasi ku hi si timisela. Hambi keto, hi txo simama hi va hafuhi ni Jehovha ene a na hi vhuna ku timisela siduko soneso. (Isa 43:2, 4) Se hi nga maha txani mbimo yi hi mananako ni siduko?
Mkombelo. Mbimo yi hi gelako Jehovha totshe ti ti ku mbiluni kwathu, ene a na hi ninga kudikha ni mtamo kasi ku hi timisela.—Vaf 4:6, 7; 1 Vat 5:17.
Mitshangano. Mbimo yotshe, hi lava sakudya sa moya ni wumwewo wu Jehovha a hi ningako hi di ka mitshangano yathu. (Vaheb 10:24, 25) Ngako hi txi ti lulamisela, hi maneka mitshanganoni ni ku tshumela hi ningela tixamulo hi londola txivhuno txi txi tako ngu ka moya wo sawuleka wa Jehovha.—Mtu 2:29.
Mthumo wo Txhumayela. Ti na hi hehukela kuveka mialakanyo yathu ka ti i ku tatinene ngako hi txi simama hi maneka ka mthumo wo txhumayela. Ni ku hi na tshumela hi tsanisa wuxaka wathu ni Jehovha kumweko ni vanathu ava hi thumako navo ko txhumayela.—1 Vak 3:5-10.
XALELA VHIDHIYO YI YI KU: JEHOVHA A NA KU AMUKELA, U GWITA U XAMULA SIWOTISO ASI SI LONDISELAKO:
Malu a vhunilwe ngu txani ku simama eya masoni ni wuxaka wakwe ni Jehovha mbimo yi a nga manana ni sikarato?
Kufana ni Malu, mapswi aya ma ku mu ka Masalmo 34:18 ma nga hi thavelelisa kutxani ngako hi txi manana ni sikarato?
Txiperiyensiya txa Malu txi ti kombisisa kutxani ti to Jehovha wa hi ninga “mtamo . . . wa hombe” ngutu ngako hi txi manana ni sikarato?—2 Vak 4:7