Ina wa engisela audhiyo ya kulerwa ka Bhiblia?

Nji txani audhiyo ya Bhiblia? Mapswi ya ma nga garavharwa a Bhiblia a Tradução do Novo Mundo ayi yi nga wusetwa. Ma audhiyo awa ma humiswa kudotho-kudotho ngu tidimi to hambana-hambana. Atxi txi vhunako ngutu ka ma audhiyo awa ngu ti to kuthumiswa dipswi do hambana ka mmweyo ni mmweyo wu kuwombwako ngu ngene mu ka Bhiblia. Mapswi ma lerwa kwati kasi kujunyatisa simahakalo sa mu ka Bhiblia ngu nzila yo pfisiseka.

Ngu yihi wuyelo yi vamwani va yi manako ngu kuengisela audhiyo ya Bhiblia? Wungi wa va engiselako audhiyo mbimo yotshe, va tsaka ngu nzila yi Dipswi da Txizimu di va gwesako ngu yona ka wutomi wawe. Vamwani va womba to kuengisela dipswi do hambana ka mmweyo ni mmweyo wu kuwombwako ngu ngene mu ka Bhiblia, ti maha u tipfa nga wo txi wona tximahakalo txonetxo ngu mbimo yile ni ku ti va maha ve pfisisa kwati a ti ti nga bhalwa. (Mav 4:5) Votala va womba to kuengisela audhiyo ya Bhiblia ta va vhuna ku ve hungula kuvilela.—Mas 94:19.

Kuengisela ku txi lerwa Bhiblia ngu dipswi do guleka, ti nga gwesa ngutu wutomi wathu. (2 Mak 34:19-21) Ngako ku di ni ma audhiyo ka Bhiblia ayi u lerako ngu lidimi li u li pfisisako, ina u nga tivekela txiemiso txo ma engisela mbimo yotshe?

XALELA VHIDHIYO YI YI KU, KULERWA KA BHIBLIA NGU NZILA YA AUDHIYO, U GWITA U XAMULA TXIWOTISO TXIYA:

Nji txani txi txi nga kutsakisa ka kulerwa ka Bhiblia ngu audhiyo?