Vaveleki—Vhunani vanana vanu ti to ve mana wuzivi wa Jehovha

Nzila yimwani ya yinene yo vaveleki ve vhuna vanana vawe to ve mana wuzivi wa Jehovha ngu ku va vhuna to ve wuyelwa ka mitshangano ya Wukristu. Ati vaphya va ti wonako, va ti engisako ni ku tiwomba ka tixamulo tawe mitshanganoni ti na va vhuna ve gonda mayelano ni Jehovha ni kutshumela ve va ni wungana wa hafuhi nayo. (Dhewut 31:12, 13) Se ngako u di mveleki, u nga va vhunisa kutxani vanana vako ti to ve wuyelwa mitshanganoni?

• Maha mizamo yo u maneka ka mitshangano.—Mas 22:22

• Tivekele mbimo yo u tsanisa vanathu yi si se khata mitshangano dibanzani ni mbimo yi yi gumako.—Vaheb 10:25

• Tsaniseka ti to votshe hamwayani va ni dibhuku a di di gondwako mitshanganoni, i ngava ka fone mwendo do ganjwa

• Vhuna vanana vako ve lulamisela xamulo ngu mapswi ya vona.—Mat 21:15, 16

• Womba-womba ngu nzila ya yinene mayelano ni mitshangano ni ti u nga ti gonda ka yona

• Vhuna vanana vako ve maneka ka mithumo yo fana niku basisa Nyumba ya Mfumo ni ku bhula ni vanathu vo kula ngu tanga dibanzani

Kuvhuna vanana vako ti to ve va ni wuxaka wa hafuhi ni Jehovha tilava mizamo ya hombe, niku mbimo yimwani u nga guma mtamo. Kambe Jehovha a nga kuvhuna.—Isa 40:29.

XALELA VHIDHIYO AYI YI KU VAVELEKI, THEMBANI JEHOVHA NI MTAMO WAKWE, U GWITA U XAMULA SIWOTISO ASI SI LONDISELAKO:

• Mikaralo yi Zack ni Leah va nga tshangana nayo yi va gwesisile kutxani?

  Your answer

• Ngu kutxani vaveleki va di fanete kuya ka Jehovha veya kombela mtamo?

  Your answer

• Zack ni Leah va kombisisile kutxani ti to va mthemba Jehovha kasi ku ve wuyelwa mwayani kwawe?

  Your answer