MAHANYELO A WUKRISTU
Vaveleki—Vhunani vanana vanu to va nga maha txani kasi kutsakisa Jehovha
Majovhem, nga lisima ngutu ka Jehovha. Ene wa ku wona kukula ka likholo ni lirando li va ku nalo ngu ngene ni ku wa pfisisa sikarato si va mananako naso. (1 Sam. 2:26; Luka 2:52) Hambi i di ngadi vadotho ngutu, vanana va nga tsakisa mbilu ya Jehovha ngu kuva ni mahanyelo a manene. (Mav. 27:11) Ngu kuthumisa sengeletano, Jehovha a ningela tifarameti to tala kasi kuvhuna vaveleki kugondisa vanana vawe kuranda Jehovha.
WONA VHIDHIYO YI YI KU MAJOVHEM JEHOVHA WA KU WONA KUTSANISELA KWANU! U GWITA U XAMULA SIWOTISO SIYA:
Ngu txihi txivhuno ni mkongomiso wu Jehovha a nga ninga majovhem ngu kutsimbila ka malembe?
Ngu tihi tifarameti ati ti kuho kasi kuvhuna vaveleki?
Ngako u di jovhem, ngu tihi tifarameti ti Jehovha a nga ku ninga, ati ti nga kuvhuna, ni ku ngu kutxani?