Bhibhiliyoteka ya Site ya Watchtower
Bhibhiliyoteka ya
Site ya Watchtower
Txitxopi
ñ
  • ñ
  • BHIBLIA
  • MABHUKU
  • MITSHANGANO
  • w20 Maio pp. 8-11
  • Vafumeli ava va lwisanako ka masiku a magwito

Ka txiyenge txiya, kha ku nga ni vhidhiyo

Hi divalele, vhidhiyo yi nge txhayi, ku ni ti nga maheka.

  • Vafumeli ava va lwisanako ka masiku a magwito
  • Muwoneleli a Zivisa Mfumo wa Jehovha (Gondo)—2020
  • Mhaka yi yi yelanako
  • I mani “mfumeli wa Wuphemba” ka masiku awa o gwita
    Muwoneleli a Zivisa Mfumo wa Jehovha (Gondo)—2020
  • I mani wu i ku “mfumeli wa Wuphemba” konkuwa?
    Muwoneleli a Zivisa Mfumo wa Jehovha (Gondo)—2020
  • Dibhuku da Mtuletelo di womba txani ka valala va Txizimu?
    Muwoneleli a Zivisa Mfumo wa Jehovha (Gondo)—2022
  • Gonda ngu wuprofeti wa mu ka Bhiblia
    Muwoneleli a Zivisa Mfumo wa Jehovha (Gondo)—2023
Muwoneleli a Zivisa Mfumo wa Jehovha (Gondo)—2020
w20 Maio pp. 8-11

Vafumeli ava va lwisanako ka masiku a magwito

Wuprofeti awu wu ku ka grafiko yiya wu kombisa simahakalo si humelelako ngu mbimo yimweyo. Wotshe wu kombisa to hi ka “mbimo yo gwita.”—Dhan. 12:4.

Grafiko yo kombisa wuprofeti, ni ti to i mani mfumeli wa wuphemba ni mfumeli wa wulambwe kukhukhela ngu 1870 kala ka masiku a nyamsi.
  • Grafiko ya 1, yi txi kombisa kulondiselana ka wuprofeti ka masiku a magwito kukhukhela ngu 1870 kala 1918. Kukhukhela ngu 1914 kuwombwa to masiku a magwito. Wuprofeti wa wu: Txikalani txa mtxhanu wa misungo ni yimbidi atxi kuhumelelako txi kukombisa makhato ka grafiko. Yimbi yo Khata ya Mafu, msungo wa wu 7 wu dawiswa. Kukhukhela ngu 1917 kuya masoni, msungo wa wu 7 wu hanya se txikalani txi wuka. Wuprofeti wa wu 2: Mfumeli wa Wuphemba a wonekile ngu 1871, se mfumeli wa Wulambwe e khata Kuwoneka kukhukhela ngu 1870. Mfumeli wa Wuphemba wu humelela ngu 1871 i di Jarmani. Grã-Bretanha eva mfumeli wa Wulambwe, kambe kona mu ka ma 1917 e txitxwa ngu Anglo Americano. Wuprofeti wa wu 3: Kukhukhela ngu ma 1879, Charles T. Russell ni vamwani ve thuma kota ‘mitumi.’ Makhatoni ka ma 1880. ‘Zion’s Watch Tower’, (Muwoneleli) e kuzeta vathu ti to ve txhumayela mahungo a manene a Mfumo. Wuprofeti wa wu 4: Kukhukhela ngu 1914 kuya masoni, i mbimo ya kuelula. Nyasavari e hambaniswa ni fulaho. Wuprofeti wa wu 5: Kukhukhela ngu 1917 kuya masoni, minenge ya simbi ni ndope si humelela. Kutshumelwa kukombiswa: Simahakalo sa ditiko kukhukhela ngu 1914 kala 1918, Yimbi yo Khata ya Mafu. Simahakalo asi si nga gwesa vathu va Jehovha: Kukhukhela ngu 1914 kala 1918, Vagondi va Bhiblia va matiko a Grã-Bretanha ni Jarmani ve betwa jele. Ngu 1918, Vanathu va Bhetele ya Brooklin ve kotelwa.
    Wuprofeti wo 1.

    Mibhalo Mtu. 11:7; 12:13, 17; 13:1-8, 12

    Wuprofeti “Txikalani” txi fuma vathu ha mafuni kudingana mazana a malembe. Ka masiku a magwito, msungo wa wu 7 wu dawiswa. Ngu msana, msungo wu hanya se “dotshe ditiko” di londisela txikalani. Sathani e thumisa txikalani ti to e “lwa ni va va nga ti sate.”

    Kuhetiseka Msana ka ndambi ya Nowa, kukhatile mifumo ya vathu ayi yi lwisanako ni Jehovha. Ku di gumile malembe o tala, ku va ni Yimbi yo Khata ya Mafu, ka yimbi yoneyo mfumo wa Grã-Bretanha wu guma mtamo, kambe wu tshumela wu tsana mbimo yi wu nga patana ni Estados Unidos. Sathani a thumisa politika ti to e xanisa vathu va Txizimu, ngutu-ngutu ka masiku a magwito.

  • Wuprofeti 2 .

    Mibhalo Dhan. 11:25-45

    Wuprofeti Ngu mbimo ya masiku a magwito, mfumeli wa Wuphemba ni mfumeli wa Wulambwe ve lwa ngu mhaka ya wukoma.

    Kuhetiseka Jarmani ni Anglo Americano ve lwa ngu mhaka ya wukoma. Ngu 1945 União Soviética e va mfumeli wa Wuphemba. Ngu 1991, União Soviética e wa, se ku di pindile mbimo, Rússia ni va va emako nayo ve va mfumeli wa Wuphemba.

  • Wuprofeti wa wu 3.

    Mibhalo Isaya 61:1; Mal. 3:1; Luka 4:18

    Wuprofeti Jehovha e rumela mtumi ti to wu ‘lulamisa nzila’ na Mfumo wa Mesiya wu si se simekwa. Mtxawa wonewo wu khata “kutxhumayela mahungu a manene.”

    Kuhetiseka Kukhukhela ngu 1870 kuya masoni, Charles Russel ni vamwani ve khata kugonda Bhiblia ti to ve wona ati yi ti gondisako. Se ngu ma 1880 ve kombisa to malanda a Txizimu ma fanete me txhumayela. Va humisile misungo ya timhaka yo fana ni wu wu ku: “Kulaveka 1.000” ni “Ve sawulelwa kutxhumayela.”

  • Wuprofeti wa wu 4.

    Mibhalo Mat. 13:24-30, 36-43

    Wuprofeti Mlala e phaya nyasavari ka thembwe ya vani ya fulaho. Nyamne e leka nyasavari e kula e vhalela fulaho kala ka mbimo yo elula. Mbimo yi kuelulwako, nyasavari e hambaniswa ni fulaho.

    Kuhetiseka Kukhukhela ngu 1870, kukhata kuketikela kuhambana ka Makristu a ditshuri ni a makuhu. Ka mbimo ya magwito, Makristu a ditshuri me sengeletwa ni kuhambaniswa ni Makristu a makuhu.

  • Wuprofeti wa wu 5.

    Mibhalo Dhan. 2:31-33, 41-43

    Wuprofeti Minenge ya simbi ni ndope nja txithombe txo mahwa ngu tisimbi to hambana-hambana.

    Kuhetiseka Ndope, ngu va va fumwako ngu Wukoma wa mafu wa Anglo-Americano ava va wu wukelako. Vona va dekadekisa wukoma wuwa, hambiku i ku simbi.

  • Grafiko ya wu 2, yi txikombisa kulongoloka ka wuprofeti wa mbimo ya magwito kukhukhela ngu 1919 kala 1945. Jarmani e va mfumeli wa Wuphemba ngu 1945. Anglo Americano a va mfumeli wa Wulambwe. Wuprofeti wa wu 6: Ngu 1919, Makristu aya i ku vasawuleki ve tshangana ti to ve wuseta wukhozeli wa ditshuri. Kukhukhela ngu 1919 kala masoni, mthumo wo txhumayela wu ya masoni. Wuprofeti wa wu 7: Ngu 1920, kusimekwa Liga das Nações, Yimbi ya Wumbidi ya Mafu yi khata. Kutshumelwa kukombiswa: Wuprofeti wa wu 1, txikalani txa 7 wa misungo txi simama. Wuprofeti 5, minenge ya simbi ni ndope, yi ya masoni. Simahakalo sa ditiko kukhukhela ngu 1939 kala 1945, Yimbi ya Wumbidi ya Mafu. Simahakalo asi si gwesako vathu va Jehovha: Jarmani ngu 1939 kala 1945, kupinda 11.000 wa Tifakazi ti betwa jele. Grã-Bretanha ngu 1939 kala 1945, kona mu ka 1.600 wa Tifakazi ti betwa jele. Estados Unidos ngu 1940 kala 1944, vanathu ve dhumelwa ngu vathu kupinda 2.500 wa ma kahambi.
    Wuprofeti wa wu 6.

    Mibhalo Mat. 13:30; 24:14, 45; 28:19, 20

    Wuprofeti “Fulaho” yi sengeletwa “txisangalani” se ‘txithumi txo thembeka na txi di ni wutxhari’ txi vekwa kasi kuninga sakudya “sithumi” sa Jesu. Mthumo wo txhumayela “mahungu a manene a Mfumo” wu hangalaka ka “dotshe ditiko.”

    Kuhetiseka Ngu 1919 txithumi txo thembeka txi vekwa ti to txi dyisa vathu va Txizimu. Kukhukhela ka mbimo yoneyo, Vagondi va Bhiblia va hisekela mthumo wo txhumayela. Nyamsi, Tifakazi ta Jehovha ti txhumayela ka matiko ya ma pindako 200 ni kuhumisa mabhuku ya ma nga seketelwa ka Bhiblia ngu tidimi ti ti pindako 1.000.

  • Wuprofeti wa wu 7.

    Mibhalo Dhan. 12:11; Mtu. 13:11, 14, 15

    Wuprofeti Txikalani txa titxheho timbidi txi kuzeta vathu va va hanyako ha mafuni kumaha “txithombe txa txikalani.” Txi gwita txi “wuleta moya mndani ka txithombe.”

    Kuhetiseka Wukoma wa mafu wa Anglo-Americano wu thangela ku txi wumbwa Liga das Nações. Mtshangano wuwa wu seketelwa ngu matiko mamwani. Mfumeli wa Wuphemba a ti patile ni mtshangano wawu ngu 1926 kala 1933 basi. Vathu va ti themba ti to Liga das Nações a ndi na tisa kudikha ha mafuni ve tshumela ve themba ni Nações Unidas, kambe o va Mfumo wa Txizimu dwe awu wu nga tisako kudikha.

  • Grafiko ya wu 3, yi txi kombisa kulondiselana ka wuprofeti ka masiku a magwito kukhukhela ngu 1945 kala 1991. União Soviética ni vangana vakwe ve va mfumeli wa Wulambwe ngu 1991, se ngu msana kubela Russia ni vangana vakwe. Anglo-Americano eva mfumeli wa Wulambwe. Wuprofeti wa wu 8: Kurinzwa ka dibhomba da hombe, kuonhetelwa ka hombe ku nga vangwa ngu Anglo-Americano. Wuprofeti wa wu 9: Kusimekwa ka Nações Unidas ngu 1945, a txi vhaleta Liga das Nações. Kutshumelwa kukombiswa: Wuprofeti wa wu 1, txikalani txa 7 wa misungo txi simama. Wuprofeti wa wu 5, minenge ya simbi ni ndope, yi ya masoni. Wuprofeti wa wu 6, ngu 1945 vahuweleli ve pinda 156.000. Ngu 1991, vahuweleli ve pinda 4.278.000. Simahakalo si si gwesako vathu va Jehovha: Tifakazi to tala ti ñolwa ti yiswa Sibéria ngu União Soviética ngu 1945 kala ma 1950.
    Wuprofeti 8.

    Mibhalo Dhan. 8:23, 24

    Wuprofeti Kuhumelela mfumeli wa khohe yo thisa e “haxula ngu kuxamalisa.”

    Kuhetiseka Wukoma wa mafu wa Anglo-Americano wu haxute ngutu. Ngu txikombiso, ngu mbimo ya Yimbi ya Wumbidi ya Mafu, Estados Unidos a rukutile ngutu mmweyo wa valala va Wukoma wa mafu wa Anglo-Americano mbimo yi a nga rinza mabhomba mambidi a hombe.

  • Wuprofeti 9.

    Mibhalo Dhan. 11:31; Mtu. 17:3, 7-11

    Wuprofeti “Txikalani txo bhilivila” txa digumi da titxheho txi huma ngu diphalani ko hokoma ni ku txona i mkoma wa wu 8. Dibhuku da Dhaniyeli di womba ti to mkoma eneyo ‘njimaha txa kudhukisela ka hombe.’

    Kuhetiseka Ngu mbimo ya Yimbi ya Wumbidi ya Mafu, Liga das Nações a tsivate. Msana ka yimbi, Nações Unidas e ‘vekwa.’ Kufana ni Liga das Nações, Nações Unidas a thembisa kutisa kudhikha, kuve i Mfumo wa Txizimu dwe wu no ku tisa. Nações Unidas a na wukela wukhongeli.

  • Grafiko ya wu 4, yi txi kombisa kulondiselana ka wuprofeti ka masiku a magwito kala masiku a ngweno ni ka Armagedhoni. Rússia ni vangana vakwe veva mfumeli wa Wuphemba. Anglo-Americano eva mfumeli wa Wulambwe. Wuprofeti wa wu 10: Vakoma ve huwelela ‘kudikha ni kukhaliseka.’ Xanisa ya hombe yi khata. Wuprofeti wa wu 11: Matiko me xasela wukhongeli wa makuhu. Wuprofeti wa wu 12: Vakoma ve dhumela vathu va Jehovha. Vasawuleki ve sengeletwa ve tsula nzumani. Wuprofeti wa wu 13: Armagedhoni. Awu a nga gadha dihanxi do basa e xula. Txikalani txa 7 wa misungo txi loviswa; txithombe txi baliselwa ni minenge ya txona ya simbi ni ndope. Kutshumela kukombiswa: Wuprofeti wa wu 1, txikalani txa 7 wa misungo txi simama. Wuprofeti wa wu 5, minenge ya simbi ni ndope, yi ya masoni kala Armagedhoni. Wuprofeti wa wu 6, nyamsi ku ni va huweleli vo pinda 8.580.000. Simahakalo asi si gwesako vathu va Jehovha: Ngu 2017, wukoma wa Rússia wu beta jele Tifakazi wu tshumela wu honyola Bhetele.
    Wuprofeti wa wu 10 ni 11.

    Mibhalo 1 Vat. 5:3; Mtu. 17:16

    Wuprofeti Matiko me huwelela “kudikha ni kukhaliseka,” ni ku “titxheho ti ta digumi” ni “txikalani,” si wukela “digelegele” ni ku di lovisa. Ngu magwito matiko me loviswa.

    Kuhetiseka Matiko ma na ti gela ku ma sikoti kutisa kudikha ni kukhaliseka ha mafuni. Se, matiko aya ma emako ni Nações Unidas ma na lovisa wukhongeli wa makuhu. Atiya ku na va makhato ya xanisa ya hombe. Magwito ka xanisa ya hombe ngu kuloviswa ka dotshe ditiko da Sathani ngu Armagedhoni.

  • Wuprofeti wa wu 12.

    Mibhalo Eze. 38:11, 14-17; Mat. 24:31

    Wuprofeti Goge e wukela vathu va Txizimu. Se tingelozi ti sengeleta “vasawuleki vakwe.”

    Kuhetiseka Mfumeli wa Wuphemba kumweko ni vakoma vamwani va mafu va na wukela vathu va Txizimu. Neti ku khata vhuku-vhuku yoneyo, vasawuleki ava va no tava va di ngadi ha mafuni va na sengeletwa ve ya nzumani.

  • Wuprofeti wa wu 13.

    Mibhalo Eze. 38:18-23; Dhan. 2:34, 35, 44, 45; Mtu. 6:2; 16:14, 16; 17:14; 19:20

    Wuprofeti “Mgadhi” wa “dihanxi do basa” e hetisa ‘kuxula’ kwakwe ngu kulovisa Goge ni mabutho akwe. “Txikalani” txi “to rinzwa” digovani ka mndilo se txithombe txi phwaraswa da magwito.

    Kuhetiseka Jesu Mkoma wa Mfumo wa Txizimu a na ta hulukisa vathu va Txizimu. Ene ni va va 144.000 ni tingelozi va na ta lovisa Goge ve fuvisa mafu yawa a Sathani.

    Mabhuku ngu Txitxopi (2008-2025)
    Huma
    Bela
    • Txitxopi
    • Rumela vamwani
    • Ati u ti lavako
    • Copyright © 2025 Watch Tower Bible and Tract Society of Pennsylvania
    • Sipimelo so thumisa Web Site yiya
    • Milayo yo vhikela didungula da txihunja
    • Privacy Settings
    • JW.ORG
    • Bela
    Rumela vamwani