Magondelo a manene

Gondela tindando ta Mfumo

“Mbimo yi ni tipfako ni si vhuni txilo, Jehovha wa ni tsanisa ngu kuthumisa wutxenje wa JW Broadcasting^®.”—Lorraine wa Estados Unidos.

Tindando ta mfumo, mbimo yotshe ti mahile txienge txa wukhozeli wa Wukristu. (Vakl. 3:16) Ngako awe u txi gondela tindando toneto, u ti vekisa ha msungo, ti nga kuvhuna hambi u si na txibhukwana txa tindando mwendo txithumiswa txa eletroniko. Zama kuthumisa sikombiso asi si londiselako kasi kukuvhuna kuvekisa tindando ha msungo.

• Gonda khakwati mapswi kasi kupfisisa txhamuselo. U nga khumbula didungula donedo ngako u txi yi ziva txhamuselo ya kona. Mapswi a wotshe wutxenje, kupata ni wutxenje wumwani ni wutxenje wa vanana, si ho ka jw.org. Ka txienge Bhibhiliyoteka, tsula ha ku ku Tindando.

• Bhala mapswi a ndando ka diphepha. Toneto ti na kuvhuna kukhumbula ndando yoneyo yotshe mbimo.—Dhewut. 17:18.

• Embelela ngu dipswi do guleka. Gondela mwendo kuembelela ngu ku wuyeletela.

• Wona to u khumbula kuhokela hayi. Zama kukhumbula mapswi u si woneteli ka diphepha, ngu msana u wona to u ti koti kuhokela hayi.