• I mani a nga vanga wutomi?
    Hanya wutomi wo tsakisa kala kupinduka!—Kursu ya Bhiblia

    • 3. Ngu kuhi kuhambana aku kukuho ka vathu ni sihari?

      Msana kova a di vangile mafu, Jehovha a vangile silo asi si hanyako. Kukhata a vangile mindonga ni sihari. Se ngu kugwitisa “Txizimu txi vangile m’thu ngu txifaniso txa txona; txi m’vangile e fana ni Txizimu.” (Lera Genesisi 1:27.) Ngu kuhi kuhambana aku kukuho ka vathu ni sihari? Aku hi nga mahwa ngu txifananiso txa Txizimu, hi tekelela tifanelo ta txona to fana ni lirando ni wululami. Jehovha a tshumete e hi maha hi di ni wusikoti wo gonda tidimi, hi tsakela so maha ni kutidila ngu wutxenje. Kuhambana ni sihari, athu ha khozela M’vangi wathu.

  • I mani a nga vanga wutomi?
    Hanya wutomi wo tsakisa kala kupinduka!—Kursu ya Bhiblia

    • 5. Ati Bhiblia yi ti wombako ngu kuvangwa ka silo ta pfisiseka

      Ka Genesisi ndima 1 Bhiblia yi womba-womba ngu kuvangwa ka mafu ni si si hanyako. Ina awe wa tikholwa toneto mwendo u tiwona i di sitoriya dwe? Xalela VHIDHIYO, mi gwita mi bhula ngu siwotiso asi si londiselako.

      VHIDHIYO: I mani a nga vanga mtumbuluko?—Txienge (3:51)

      Mfota wa vhidhiyo ayi yi ku: ‘Ina mtumbuluko wu to vangwa?—Txienge.’ 1. A ti mafu ma nga va ngu tona ka masiku a mtxhanu ni dimwedo a kuvangwa ka silo. 2. Ati mafu ma nga gwita me zumbisa tona msana ka mtxhanu wa masiku a ku vangwa ka silo na ku txi woneka ditambu, mafu o oma, mati, mindonga, sinyana, sihari ni vathu.

      • Ina Bhiblia yi womba ti to mafu ni silo si si hanyako si vangilwe ngu 6 wa masiku a kutxa di ya swa?

      • Ina u pimisa ti to ati Bhiblia yi ti wombako ngu kuvangwa ka silo ta pfisiseka? Ngu kutxani?

      Lera Genesisi 1:1, mi gwita mi bhula ngu siwotiso siya:

      • Vasiyentista va womba ti to mtumbuluko wu ve ni makhato. Ati va tiwombako ti yelanisa kutxani ni ti u ku ngadi ku tigonda amu ka Bhiblia?

      Vathu vamwani va tiwotisa ti to ina Txizimu txi to thumisa ku tihundulukela ka silo ti to txi vanga silo simwani kani? Lera Genesisi 1:21, 25, 27, mi gwita mi bhula ngu siwotiso siya:

      • Ina Bhiblia yi gondisa ti to Txizimu txi vangile sihaka, sihari ni vathu ngu kuthumisa ku tihundulukela ka silo? Mwendo Txizimu txi vangile sihari sotshe ngu kuya ngu “tixaka” ta sona?b