¹² Aku Ezekiya a nga txi ti kulisa, “kha ziva kubonga dikato dile da MKOMA”. Bhiblia kha yi wombi ti to timhaka ti txitxete hani kuza Ezekiya e khata ku tikulisa. Ti nga maha nguku a nga xula Vasiriya, mwendo nguku Jehovha a nga m’hanyisa, ni ku se a nga ti ganyile ni ku va ni nduma. Hambiku Ezekiya a nga thumela Jehovha ngu mbilu yotshe, mbimo yi a nga tikulisa, Jehovha kha nga tsaka ngu tona. Kambe ngu “msana ka mbimo [Ezekiya] a tikoramisile” se Jehovha a mu divalete.—2 Matimu 32:25-27; Masalmu 138:6.

¹⁴ Mbimo yotshe hi fanete hi khumbula ati Jesu a nga womba, a ti khene: “Msana ka kuva mi di hetile kumaha totshe tifanelo tanu, wombani ku khanu: ‘Hi sithumi so mbi vhuna txilo, hi mahile tiya hi nga ti ni fanelo ya ku ti maha dwe.’” (Luka 17:10) Khumbula ti to mbimo yi Ezekiya a nga tikulisa, kha bonga ati Jehovha a nga ti mu mahete. Se nji txani atxi txi no hi vhuna kusimama hi ti veka hahatshi hambi hi txi ndunduzelwa ngu vanathu? Hi nga alakanyisisa ngu ti Jehovha a nga hi mahela. Se hi nga womba ati a nga hi vhunisa tona. Txo khata, a hi ningile Bhiblia se e gwita e hi ninga moya wo sawuleka ti to wu hi vhuna kuveka m’wombawombo.