• Vana wo thembeka mbimo yotshe
    Hanya wutomi wo tsakisa kala kupinduka!—Kursu ya Bhiblia

    • Vana wo thembeka mbimo yotshe

      Hotshethu ha tilava kuva ni vangana vo thembeka. Jehovha nene wa tilava toneto. Kambe kuva wo thembeka hamafuni aha ku nga tala ngu vathu vo mbi thembeka kha ti hehuki. Kambe ngu kutxani i di tatinene kuva wo thembeka?

      1. Ngu txihi txivangelo txa lisima txo hi va vo thembeka?

      Ngako hi txi va vo thembeka hi kombisa ti to hi randa Jehovha ni ku m’xonipha. Alakanya ngu tiya: Jehovha wa ti ziva totshe ati hi ti pimisako ni ti hi ti mahako. (Vahebheru 4:13) Ene wa hi wona mbimo yi hi kombisako kuthembeka ni ku wa tininga lisima toneto. Dipswi dakwe di womba tiya: “Muonhi njinyenyeko ka MKOMA, aniko txihunja txakwe txi ni vale vo lulama.”—Mavingu 3:32.

      2. Hi nga kombisisa kutxani ti to ha thembeka ditshiku ni ditshiku?

      Jehovha a lava ti to hi “womba-womba ditshuri mmwani ni mmwani ka mkwawe.” (Zakariya 8:16, 17) Ti womba txani toneto? Ti womba to hi na mbi hemba mwendo kujikisa ditshuri mbimo yi hi bhulako ni maxaka, vathumi kulothi, vanathu dibanzani mwendo vakoma. M’thu wo thembeka kha pi mwendo kutekela malungelo vamwani. (Lera Mavingu 24:28 ni Vaefesu 4:28.) M’thu wo thembeka wa hakela resa. (Varoma 13:5-7) Mwendo ku athu ha “tsimbila ngu nzila ya yinene yotshe mbimo.”—Vahebheru 13:18.

      3. Ngu kutxani i di ta tinene kuva m’thu wo thembeka?

      Ngako hi txi ziwa hi di vo thembeka, vathu va hi themba. Ngu nzila yoneyo ha vhuneta ti to dibanzani kuva moya wo thembana kufana ni ha mwayani. I singa eto dwe hi nava ni livhalo lo basa. Kuthembeka kwathu ku nga “ninga lisima, . . . gondo ya Txizimu, Muhanyisi wathu” ni kumaha vathu vamwani ve lava kugonda ngu Jehovha.—Titosi 2:10.

      ENGETELA WUZIVI WAKO

      Wona nzila yi kuthembeka ku gwesako ngu yona wuxaka wako ni Jehovha. Tshumela u wona nzila yi u nga thembekako ngu yona ka siemo so hambana-hambana sa wutomi.

      4. Kuthembeka ka m’tsakisa Jehovha

      Lera Masalmo 44:21 ni Malakiya 3:16, mi gwita mi bhula ngu siwotiso siya:

      • Ngu kuya ngu mawonelo ako ngu kutxani i di wuphukuphuku kupimisa ti to hi nga sisela to kari Jehovha?

      • U pimisa to Jehovha a tipfisa kutxani mbimo yi hi womba-wombako ditshuri hambi ti txi hi karatela?

      Mwanana a txi womba-womba ni tate wakwe awu a nga khizama. Kopo ya sumu yi nga thekela didhawa ka tximezana.

      Ngako mwanana a txi womba-womba ditshuri vaveleki vakwe va tsaka. Mbimo yi hi womba-wombako ditshuri Jehovha wa tsaka

      5. Vana wo thembeka ka totshe

      Vathu vo tala va pimisa ti to hi nga yotshe mbimo hi nga sikotako kuva vo thembeka. Kambe wona ti to ngu kutxani ti txi lava hi va vo thembeka ka totshe. Xalela VHIDHIYO.

      VHIDHIYO: Asi si hi mahako hi va vo tsaka—Livhalo lo basa (2:32)

      Mfota wa vhidhiyo ayi yi ku: ‘Asi si hi mahako hi va ni litsako—Livhalo lo basa.’ Msana ko Ben a di gete mlungo wakwe phazamo ayi a nga yi maha, mlungo wakwe a to mu teka mtxhanu.

      Lera Vahebheru 13:18, mi gwita mi bhula ngu ti to ti nga kotekisa kutxani to hi va vo thembeka . . .

      • ha mwayani kwathu.

      • mthumoni mwendo txikolwani.

      • ni ka siemo simwani.

      6. Ngako hi txi thembeka hi nga wuyelwa

      Ditshuri ti to mbimo yimwani kuthembeka ti nga hi tisela sikarato. Kambe ngu magwito hi wona ti to kuthembeka njisungo txa lisima atxi hi nga txi mahako. Lera Masalmo 34:12-16, mi gwita mi bhula ngu txiwotiso txiya:

      • I ngu nzila yihi kuthembeka ku nga tshukwatisako wutomi wako?

      A. Mwamna ni msikati va txi bhula va txi peka kafe. B. Dijaha adi i ku mekaniko di txi ndunduzelwa ngu xefe ya dona mthumoni. C. Dijaha a di di ku movhani di kombisa madhukumento a dona ka diphoyisa.

      1. Vavamna ni vavasikati vo thembeka va tsanisa wukati wawe

      2. Vathumi vo thembeka va thembwa ngu valungo vawe

      3. Vathu vo thembeka va xoniphwa ngu wukoma

      NGAKO VATHU VA TXI KHONA: “Makuhunyana a madotho kha ma na ku m’dayisa m’thu.”

      • Ngu kutxani u txi pimisa ti to Jehovha wa ma nyenya otshe makuhu?

      ATI HI NGA TI WONA

      Jehovha a lava ti to vangana vakwe ve va vo thembeka ka totshe ati va ti wombako ni ku timaha.

      Ngu tihi ti u nga ti gonda

      • Ngu tihi tinzila timwani ati hi nga kombisako ngu tona kuthembeka kwathu?

      • Ngu kuya ngu mawonelo ako ngu kutxani i di wuphuku-phuku kupimisa ti to hi nga sisela to maha Jehovha?

      • Ngu kutxani u txi lava kuva wo thembeka ka totshe?

      U nga maha tiya:

      XOTA TIMWANI

      Vaveleki va nga va vhunisa kutxani vanana vawe ti to ve va vo thembeka?

      Vana wo thembeka (1:44)

      Ngu kutxani i di ta lisima kuhetisisa ati hi nga ti thembisa?

      Hetisisa ati u nga ti thembisa u na kateka (9:09)

      Ngu kutxani hi di fanete kudiha resa hambi yi si thumiswi ngu nzila ya yinene?

      “Ina wa tilava kudiha resa?” (Muwoneleli wa 1 ka Setembro wa 2011)

      Nji txani txi nga vhuna wamwamna wo mbi thembeka ti to e txitxa mahanyelo akwe?

      “Ni gondile to Jehovha wa laphisa mbilu ni ku wa divalela” (Muwoneleli wa 1 ka Maio wa 2015)

  • Sawula vangana ngu wutxhari
    Hanya wutomi wo tsakisa kala kupinduka!—Kursu ya Bhiblia

    • 2. Jehovha a ti pfisa kutxani ngu vangana ava u va sawulako?

      Jehovha a sawula vangana vakwe ngu wutxhari. “Txihunja txakwe [wungana] txi ni vale vo lulama.” (Mavingu 3:32) Jehovha a nga ti pfisa kutxani ngako hi txo sawula vangana ava va si m’dhundiko? A nga pandiseka ngutu! (Lera Jakobe 4:4.) Kambe ngako hi txi vayilela vangana vo biha, hi sawula vangana ava va dhundako Jehovha, ene a na tsaka ngutu ni ku a na hi sawula kota vangana vakwe.—Masalmo 15:1-4.