• I mani Txizimu?
    Hanya wutomi wo tsakisa kala kupinduka!—Kursu ya Bhiblia

    • 1. I mani ditina da Txizimu? Hi ti zivisa kutxani ti to txi lava hi ziva ditina da txona?

      Txizimu txi wombile ditina da txona amu ka Bhiblia. Txona txi womba tiya: “Ani ngani Jehovha. Edo ditina dangu.” (Lera Isaya 42:5, 8, NM.) “Jehovha” ditina da Txizimu, adi di tako ngu ka Txihebheru, di txhamuselako ku: “Ene a Maha ti to Timaheka.” Jehovha a lava ti to u ziva ditina dakwe. (Eksodha 3:15) Hi tizivisa kutxani toneto? Nguko amu ka Bhiblia, ditina dakwe di bhatwe kona mu ka makhambi aya ma pindako 7.000!a Ditina adi di ku: Jehovha di lumba “Txizimu txa ditshuri txitimwi nzumani, ni hahatshi ha mafuni.”—Dhewuteronome 4:39.

  • Hi nga maha txani ti to Txizimu txi amukela wukhozeli wathu?
    Hanya wutomi wo tsakisa kala kupinduka!—Kursu ya Bhiblia

    • 2. Hi nga mu khozelisa kutxani Jehovha?

      Hi fanete kukhozela Jehovha dwe nguko ngene m’vangi wathu. (Mtuletelo 4:11) Eto ti womba to, kha ha fanela kuthumisa sithombe mwendo sifaniso ka wukhozeli wathu, nguko hi fanete kuranda Jehovha ni kukhozela ene dwe.—Lera Isaya 42:8.

      Wukhozeli wathu wu fanete kuva wo ‘sawuleka ni kutsakisa’ ka Jehovha. (Varoma 12:1) Eto ti womba to ati hi hanyisako tona ti fanete kupfana ni milayo ya Txizimu. Ngu txikombiso, ava va dhundako Jehovha va engisa milayo ayi a nga yi veka ka va va nga tekana. I si nga eto dwe, vona kha va dhahi, kha va thumisi timbangi mwendo kuleva.a