Ku si nga kale Jehovha a na thumisa Mfumo wakwe kasi kuheta sotshe sikarato sathu. Eyo mahungu a manene a yawa votshe ti lavako ve ma ziva. Jesu a gete vagondiswa vakwe ti to ve bhulela votshe vathu mahungu awa. (Matewu 28:19, 20) Tifakazi ta Jehovha ti txi engisisa kutxani txirumo txa Jesu?

1. Dibhuku da Matewu 24:14 di hetiseka ngu nzila yihi nyamsi?

Jesu a wombile ti to: “Evhangeli yiya ya Mfumo yi na huwelelwa ka dotshe ditiko, kasi kumahwa wufakazi ka yotshe mifumo.” (Matewu 24:14) Tifakazi ta Jehovha ta tsaka ngu kumaha mthumo wuwa. Hi txhumayela mahungu a manene hamafuni kotshe ngu tidimi ati ti pindako 1.000. Ti to hi maha mthumo wuwa wa hombe ti lava hi khutala ni ku wu lulamiselwa kwati. I si nga kuvhunwa ngu Jehovha ti si koteki kumaha mthumo wuwa.

2. Ngu yihi mizamo ayi hi yi mahako kasi ku hi kota kutxhumayela vathu?

Txikongomelo txathu ngu txhumayela vathu votshe ku si na mhaka ni ti to va maneka hani. Kufana ni Makristu a kale, hi txhumayela “mu mitini.” (Mithumo 5:42) Ngu nzila yoneyo ha sikota kuwomba-womba ni timiliyoni ta vathu dilembe ni dilembe. Aku vathu va si manekiko mitini mbimo yotshe ha txhumayela amu kupindako vathu vo tala. Hi xota mikhanjo yotshe ti to hi gela vamwani mayelano ni Jehovha ni kudhunda kwakwe.

3. I mani awu a ku ni wutixamuleli wo txhumayela mahungu a manene?

Otshe Makristu a ditshuri ma ni wutixamuleli wo txhumayela vamwani mahungu a manene. Athu kha hi wu tekeli hahatshi wutixamuleli wuwa. Mmwani ni mmwani a maha ati a nga tikotako ka mthumo wuwa nguko ha tiziva ti to wutomi wa vathu wu ha phangoni. (Lera 1 Timoti 4:16.) Kha hi holelwi ngu kumaha mthumo wuwa nguko Bhiblia yi womba tiya: “Mi to ningwa mahala, na nanu va ningeni mahala.” (Matewu 10:7, 8) Hambi keto hi nga votshe vathu va hi engisako. Kambe ha simama hi txhumayela nguko hi lava kuengisa Jehovha ni ku mtsakisa.

ENGETELA WUZIVI WAKO

4. Ha khutala ti to hi txhumayela hamafuni kotshe

VHIDHIYO: Hi txhumayela “kala magemeta-mitshi ka ditiko” (7:38)

• Ngu tihi ati ti kutsakisako ka mizamo ayi Tifakazi ta Jehovha ti yi mahako kasi ku ti txhumayela?

Lera Matewu 22:39 ni Varoma 10:13-15, mi gwita mi bhula ngu siwotiso siya:

• Mthumo wathu wo txhumayela wu ti kombisisa kutxani ti to ha va dhunda vathu?

• Jehovha a ti pfisa kutxani ngu vale va txhumayelako mahungu a manene?—Wona vhersikulo 15.

5. Hi vathumi kulothi ni Txizimu

Hi ni wufakazi wo tala awu wo kombisako ti to Jehovha ngene a kongomisako mthumo wuwa. Wona ati ti nga maheka a khe Nova Zelândia ka mwanathu awu a dhanwako ku i Paulo. Ditshiku dimwani ni mitshikari a txi txhumayela ngu m’ti ni m’ti a mani wamsikati awu a nga womba to ni mixo a ti khongete ka Txizimu. Ngu kuthumisa ditina da Jehovha ene a kombete ti to ku ta m’thu mtini kwakwe. Paulo a womba tiya: “Msana ka maora mararu ni to gogota ditimba dakwe.”

Lera 1 Vakorinto 3:9, mi gwita mi bhula ngu txiwotiso txiya:

• Timhaka to fana ni tiya ti kombisisa kutxani ti to Jehovha ngene a kongomisako mthumo wakwe?

Lera Mithumo 1:8, mi gwita mi bhula ngu txiwotiso txiya:

• Ngu kutxani hi txi lava txivhuno txa Jehovha mbimo yi hi mahako mthumo wo txhumayela?

Ina u ti ti ziva?

Divhiki ni divhiki ha mana trenamento yo txhumayela ka mitshangano ya hagari ka divhiki. Ina u khala kuxalela mitshangano yoneyo? I di ti to u khala kuxalela mitshangano u yi wonisile kutxani trenamento yoneyo?

6. Hi engisa txirumo txiya Txizimu txi nga hi ninga

Ka mbimo ya vapostoli, vamwani va duketile kuemisa mthumo wo txhumayela. Kambe Makristu ma ‘lwete ni kutsanisa Evhangeli.’ (Vafilipiya 1:7) Nyamsi Tifakazi ta Jehovha ti maha ngu kufana.a

VHIDHIYO: Kulwela mthumo wo txhumayela mu matribhunali (2:28)

Lera Mithumo 5:27-42, mi gwita mi bhula ngu txiwotiso txiya:

• Ngu kutxani hi no mbi ema kutxhumayela? —Wona vhersikulo 29, 38, ni 39.

ATI HI NGA TI WONA

Jesu a gete vagondiswa vakwe ku ve txhumayela mahungu a manene ka matiko otshe. Jehovha wa vhuna vathu vakwe ti to ve kota kumaha mthumo wonewo.

Ngu tihi ti u nga ti gonda

• Mahungu a manene ma txhumayeliswa kutxani hamafuni kotshe?

• Mthumo wathu wo txhumayela wu kombisisa kutxani ti to ha va dhunda vathu?

• Ina u wona to mthumo wo txhumayela wa tisa litsako? Ngu kutxani?

XOTA TIMWANI

Wona ti Tifakazi ta Jehovha ti txhumayelisako tona madhoropani ka hombe.

Kutxhumayela ngu kuthumisa sikarinyana khe didhoropa ka Paris (5:11)

Tifakazi ta Jehovha ti maha txani kasi kuvhuna ava va nga tutuma yimbi?

Kuvhuna vatutumi va yimbi ngu Dipswi da Txizimu (5:59)

Hi nga pfa ati Margarita a nga manisa tona litsako ngu kuva ka mthumo wo txhumayela wutomi wakwe wotshe.

Na tsaka kuva ni di sawute mthumo wuwa (6:29)

Wona timhaka to kari ati Tifakazi ti nga ganya tribhunali kasi kutxhumayelwa mahungu a manene.

“Vatxhumayeli va Mfumo va yisa timhaka tawe tribhunali” (Mfumo wa Txizimu se wa fuma!, ndima 13)

Jesu a wombile to Makristu tilava me bhabhatiswa. (Lera Matewu 28:19, 20.) Kambe i txani bhabhatiso? Ni ku ngu tihi ti m’thu a fanelako ku ti maha kasi ku e bhabhatiswa?

1. I txani bhabhatiso?

Dipswi adi di ku “kubhabhatiswa” di ta ngu ka dipswi da Txigriki adi di wombako “kunyupeliswa” matini. Ngu toneto ti nga maheka mbimo yi Jesu a nga bhabhatiswa ka mnambo wa Jordhani. Wotshe mmidi wakwe, wu bete matini. Eto hi tiziva nguko, msana kova a di bhabhatisilwe ene a to “huma ngu matini.” (Marku 1:9, 10) Kufana ni Jesu, otshe Makristu a ditshuri, mbimo yi ma bhabhatiswako, mmidi wa ona wa nyupeliswa matini.

2. M’thu a txi bhabhatiswa a kombisa txani?

Mbimo yi m’thu a bhabhatiswako a kombisa to se a ti ningetete ka Jehovha. M’thu a tiningetelisa kutxani ka Jehovha? Na m’thu a si se bhabhatiswa, a khata ngu kumaha mkombelo e gela Jehovha to a lava ku mthumela ngu ha ku si gwitiko. Ene a thembisa to a na thumela Jehovha dwe, ni kuthangetisa kudhunda ka Jehovha wutomini kwakwe. Wa sunga ku ‘ti leka apune e . . . londisa’ tigondo ni txikombiso txa Jesu. (Matewu 16:24) Kutiningetela ni kubhabhatiswa ka m’thu, ku mmaha eva ni wuxaka wo tsana ni Jehovha ni va va mkhozelako.

3. Kasi ku m’thu e bhabhatiswa, ti lava e maha txani?

Na u si se bhabhatiswa, nda lisima kugonda ngu Jehovha ni kuva ni likholo kwakwe. (Lera Vahebheru 11:6.) Mbimo yi u yako u va ni wuzivi ni likholo, lirando lako ngu Jehovha li na ya li kula. Tsaniseka ti to eto ti na kumaha u lava kutxhumayela ni kuhanya ngu milayo yakwe. (2 Timoti 4:2; 1 Johani 5:3) Ngako m’thu a txi sawula ku “tsimbila ngu tifanelo ti ti lavekako masoni ka Mkoma,” a nga sunga kuningetela wutomi wakwe ni kubhabhatiswa.—Vakolosa 1:9, 10.a

ENGETELA WUZIVI WAKO

4. Hi nga gonda to tala ka bhabhatiso ya Jesu

Lera Matewu 3:13-17 kasi ku u gonda to engeteleka ngu bhabhatiso ya Jesu. Gwitani mi bhula ngu siwotiso siya:

• Ina Jesu a bhabhatisilwe i ti ngadi mwanana?

• A bhabhatisisilwe kutxani? Ina a to thelwa mati a madotho ha msungo?

Msana ko bhabhatiswa, Jesu a khatile kumaha mthumo wo sawuleka awu Tate wakwe a nga ti mningile. Lera Luka 3:21-23 ni Johani 6:38, mi gwita mi bhula ngu txiwotiso txiya:

• Msana kova Jesu a di bhabhatisilwe, ngu wuhi mthumo wu i nga ti wa lisima ka wutomi wakwe?

5. U nga sikota kuhokelela makungo o u bhabhatiswa

Kutiningetela ni kubhabhatiswa, ti nga woneka nga mthumo wa hombe ngutu. Kambe mbimo yi u yako u gonda ngu Jehovha ni kuhanya ngu ti u ti gondako, u na tipfa u di tsani kasi kumaha txisungo txiya txa lisima. Kasi kuwona vathu ava va nga maha toneto, xalela VHIDHIYO.

VHIDHIYO: Aka wuxaka ni Jehovha (1:11)

Lera Johani 17:3 ni Jakobe 1:5, mi gwita mi bhula ngu txiwotiso txiya:

• Nji txani txi nga vhunako m’thu ti to e ti lulamisela kubhabhatiswa?

1. Athu hi tiningetela ka Jehovha ngu kumaha mkombelo hi m’gela ti to hi lava ku mthumela wutomi wathu wotshe

2. Mbimo yi hi bhabhatiswako hi kombisa ka vamwani ti to hi ningetete wutomi wathu ka Txizimu

6. Ngako hi txi bhabhatiswa hi maha txienge txa mwaya wa Jehovha

Mbimo yi hi bhabhatiswako hi maha txienge txa mwaya wumwewo wa hamafuni kotshe. Ti singa ni mhaka ni ditiko, m’dhawuko wathu, athu hi kholwa ka tigondo to fana ni kuengisa milayo yo fana yi tako ngu ka Txizimu. Lera Masalmo 25:14; 1 Pedro 2:17, mi gwita mi bhula ngu txiwotiso txiya:

• Msana ka kuva m’thu a di bhabhatisilwe, ngu wuhi wuxaka wu a khatako kuva nawo ni Jehovha kumweko ni va va mkhozelako?

ATI HI NGA TI WONA

Jesu a gondisile ti to Makristu ma fanete ku me bhabhatiswa. Ti to m’thu e bhabhatiswa, a fanete kuva ni likholo lo tsana ngu Jehovha, e hanya ngu milayo Yakwe ni kutiningetela ka Jehovha.

Ngu tihi ti u nga ti gonda

• I txani bhabhatiso? Ngu kutxani i di ya lisima?

• Ngu kuhi kuyelana ku kuho ka kutiningetela ni kubhabhatiswa?

• Ngu tihi ti m’thu a fanelako ku ti maha na a si se tiningetela ni kubhabhatiswa?

XOTA TIMWANI

Wona ati bhabhatiso i ku tona ni ti i si ngako tona.

“I txani bhabhatiso?” (Msungo mhaka wu ku ka site)

Gonda ati m’thu a fanelako kutimaha kasi ku e bhabhatiswa.

“U txi randa Jehovha u na bhabhatiswa” (Muwoneleli wa Março wa 2020)

Wona wamwamna awu a nga mbi maha txisungo txo e bhabhatiswa ngu kuya ngu matipfelo akwe.

“Vona va ti lava ni tiwona nipune to ni di mani ditshuri” (Muwoneleli wa 1 ka Fevereiro wa 2013)

Wona to ngu kutxani kuva ni makungo o bhabhatiswa i di ta lisima ni ku u nga maha txani ti to u ti lulamisela.

“Ina ni nga bhabhatiswa?” (Siwotiso sa vaphya—Tixamulo ati ti vhunako, vholume 2, ndima 37)