-
Ngu kutxani u di fanete kutiningetela ka Jehovha ni kubhabhatiswa?Hanya wutomi wo tsakisa kala kupinduka!—Kursu ya Bhiblia
-
-
2.Ngu yahi makatekwa aya Jehovha a ningako avale va nga bhabhatiswa?
Ngako u txi bhabhatiswa, u na lumba mwaya wa Jehovha awu wu nga tsaka. Se lirando ali Jehovha a ku nalo ngu ngawe u na lipfa ngu tinzila to hambana-hambana. Ni ku wuxaka wako ni Jehovha wu nava wo tsana ngutu. (Lera Malakiya 3:16-18.) Hahanze kova ni Jehovha kota Tate dwe, u na va ni vanathu va ha mafuni kotshe, va txiwamna ni va txisikati ava va randako Jehovha, ve randa ni nawe. (Lera Marku 10:29, 30.) Ditshuri ti to u si se bhabhatiswa ku ni ti tilavako ku u ti maha. Kukhata ti lava u gonda ngu Jehovha, u m’randa ni kuva ni likholo ka Mwanana wakwe Jesu. Ngu magwito u ningetela wutomi wako ka Jehovha. Ngako u txi maha totshe tiya u tshumela u bhabhatiswa u nava ni mkhanjo wo hanya kala kupinduka. Dipswi da Txizimu di womba tiya: ‘txibhabhatiso . . . txa mi hanyisa.’—1 Pedro 3:21.
-
-
U nga sikota kutsanisela u txi xaniswa!Hanya wutomi wo tsakisa kala kupinduka!—Kursu ya Bhiblia
-
-
Jesu a wombile ti to ti nga maha maxaka ako me kuwukela ngako u txi maha txisungo txo thumela Jehovha. Lera Matewu 10:34-36, mi gwita mi bhula ngu txiwotiso txiya:
Ku nga maheka txani ngako mmweyo ha mwayani a txi sawula kuthumela Jehovha?
Ti to u wona txikombiso txa toneto, xalela VHIDHIYO, mi gwita mi bhula ngu txiwotiso atxi txi londiselako.
U nga maha txani ngako dixaka mwendo mngana a txi zama kukulekisa kuthumela Jehovha?
Lera Masalmo 27:10 ni Marku 10:29, 30. Msana ko lera m’bhalo wumwani ni wumwani bhulani ngu txiwotiso txita:
Txithembiso txiya txi nga kuvhunisa kutxani mbimo yi u wukelwako ngu maxaka mwendo vangana?
-