6. Hi engisa txirumo txiya Txizimu txi nga hi ninga

Ka mbimo ya vapostoli, vamwani va duketile kuemisa mthumo wo txhumayela. Kambe Makristu ma ‘lwete ni kutsanisa Evhangeli.’ (Vafilipiya 1:7) Nyamsi Tifakazi ta Jehovha ti maha ngu kufana.a

VHIDHIYO: Kulwela mthumo wo txhumayela mu matribhunali (2:28)

Lera Mithumo 5:27-42, mi gwita mi bhula ngu txiwotiso txiya:

• Ngu kutxani hi no mbi ema kutxhumayela? —Wona vhersikulo 29, 38, ni 39.

Jesu a gete vagondiswa vakwe ti to vona hi nga “va ditiko.” (Johani 15:19) Eto ti womba kwa mbi maha txienge ka politika ni kwa mbi belela ka tiyimbi ta ditiko. Kambe kuwomba ditshuri, kha ti hehuki kwa mbi pateka ka ta ditiko. Ti nga maha mbimo yimwani hi wonisana ni kupoyilwa ngu mhaka ya toneto. Hi nga maha txani ti to hi simama hi si vi va ditiko, kambe hi thembeka ka Jehovha?

1. Ngu yahi mawonelo aya Makristu ma ku nawo mayelano ni mifumo ya vathu?

Makristu ma tiveka hahatshi ka wukoma. Ni ku hi maha nga ha Jesu a nga womba ngu kona mbimo yi a nga khene: “Tshumetelani Khezari, asi i ku sa Khezari, ni Txizimu asi i ku sa Txizimu.” Eto ti pata kuengisa milayo ya ditiko, yo fana ni kuhakela resa. (Marku 12:17) Bhiblia yi gondisa ti to mifumo ya vathu yiho ngu ku yi tumelelwako ngu Jehovha. (Varoma 13:1) Ngu toneto athu ha tiziva ti to mifumo ya vathu yi ni wulawuli, kambe wulawuli wa yona wu pimetwe. Ha tiziva kambe ti to Txizimu basi txi no thumisa Mfumo wa txona wa nzumani ti to txi heta sikarato sa vathu.

2. Hi nga ti kombisisa kutxani ti to kha hi pateki ka ta ditiko?

Kufana ni Jesu athu kha hi ti beti ka timhaka ta politika. Mbimo yi vathu va nga wona sidiwukiso sa Jesu va zamile ku mmaha mkoma, kambe ene kha tumela. (Johani 6:15) Ngu kutxani? Ngu mhaka ya ti a nga gwita e tiwomba to khene: “Mfumo wangu hi nga wa ditikoni muwa.” (Johani 18:36) Kota vagondiswa va Jesu athu ha kombisa ngu tinzila to hambana-hambana ti to kha hi nga va ditiko. Ngu txikombiso, athu kha hi yi yimbini. (Lera Mika 4:3.) Athu ha xonipha ditiko di hi zumbako ka dona, kambe kha hi khozeli mijeke. (1 Johani 5:21) Athu kha hi seketeli didhawa ni dadimwedo da politika nem wu a vhotwako mwendo kulwisana navo. Hi txi maha eto hi kombisa ti to ngu ditshuri ha thembeka ka wukoma wa Txizimu i ku Mfumo wa txona.

ENGETELA WUZIVI WAKO

3. Makristu a ditshuri kha ma pateki ka ta ditiko

Jesu ni vagondiswa vakwe va hi vekete txikombiso txa txinene. Lera Varoma 13:1, 5-7 ni 1 Pedro 2:13, 14. Mi xalela VHIDHIYO, mi gwita mi bhula ngu siwotiso si si londiselako.

VHIDHIYO: Makristu a ditshuri kha ma pateki ka ta politika—Txienge 1 (4:28)

• Ngu kutxani hi di fanete kuxonipha wukoma wa ditiko?

• Hi nga ti kombisa ngu nzila yihi ti to ha engisa wukoma wa ditiko?

Ngako matiko o kari ma txi lwisana matiko mamwani ma nga womba ti to kha ma pateki ka tiyimbi toneto, kambe ona ma gwita me seketela avale va lwisanako. Se tiwomba txani kwa mbi pateka ka ta ditiko? Lera Johani 17:16. Mi xalela VHIDHIYO, mi gwita mi bhula ngu txiwotiso atxi txi londiselako.

VHIDHIYO: Makristu a ditshuri kha ma pateki ka ta politika—Txienge 2 (3:11)

• Tiwomba txani kwa mbi pateka ka ta ditiko?

Hi nga maha txani ngako wukoma wu txi hi sinzisa kumaha ati ti lwisanako ni mlayo wa Txizimu? Lera Mithumo 5:28, 29. Mi xalela VHIDHIYO, mi gwita mi bhula ngu siwotiso si si londiselako.

VHIDHIYO: Makristu a ditshuri kha ma pateki ka ta politika—Txienge 3 (1:18)

• Ngako milayo ya wukoma yi txi lwisana ni milayo ya Txizimu, ngu yihi ayi hi no yi engisa?

• Ina u ta nga pimisa ngu txiemo atxi txi ndi no maha Mkristu a si engisi wukoma?

4. U nga pateki ka ta ditiko ngu mialakanyo ni ngu simaho

Lera 1 Johani 5:21. Mi xalela VHIDHIYO mi gwita mi bhula ngu siwotiso asi si londiselako.

VHIDHIYO: Ngu kutxani Makristu a ditshuri ma txi lava txibindi ti to me simama ma si pateki ka ta ditiko (2:49)

• Nga ha hi nga ti wona ka vhidhiyo, ngu kutxani Ayenge a nga mbi pateka ka timhaka ta politika mwendo kupateka ko losa m’jeke?

• U pimisa to a mahile txisungo txa txinene?

Ngu sihi siemo simwani asi si nga dukako kwa mbi pateka kwathu ka ta ditiko? Xalela VHIDHIYO, mi gwita mi bhula ngu siwotiso si si londiselako.

VHIDHIYO: Tigondo ati hi ti gondako ka Muwoneleli—Simama u si pateki ka ta ditiko (5:16)

• Hi simamisa kutxani hi si pateki ka ta ditiko ti txi ta ka misakano ya matiko?

• Hi nga simamisa kutxani hi si pateki ka ta ditiko ngako sisungo asi si mahwako ngu vapolitika si txi hi gwesa?

• Ati vathu va tiwombako ni ti hi ti pfako ka mahungu ti nga gwesisa kutxani kwa mbi pateka kwathu ka ta ditiko?

ATI HI NGA TI WONA

Makristu ma maha totshe ati ma nga ti kotako, ti to ma si pateki ka ta politika ngu mialakanyo, ni ngu simaho.

Ngu tihi ti u nga ti gonda

• U nga wu xoniphisa kutxani wukoma wa ditiko?

• Hi nga simamisa kutxani hi si pateki ka ta ditiko?

• Ngu sihi siemo asi si nga dukako kwa mbi pateka kwathu ka ta politika?

XOTA TIMWANI

Ngu yihi mizamo ayi hi nga yi mahako kasi ku hi si pateki ka timhaka ta ditiko?

Jehovha kha na mbi hi leka (3:14)

Ngu tihi ati timwaya timwani ti ti mahako kasi ku tilungiselela ku ta wonisana ni siduko si si nga dukako wuthembeki wawe?

Ti wonele kwa mbi pateka ka ta politika ka misakano (4:25)

Ngu kutxani kulwela ditiko i si nga tona ta lisima ngutu ka wutomi wa m’thu?

“Ka Txizimu totshe ta koteka” (5:19)

Wona to hi nga mahisa kutxani ku hi si pateki ka ta ditiko ngako hi txi maha sisungo mayelano ni mthumo.

“Mmweyo ni mmweyo wathu a na ya ti xamulela masoni ka Txizimu” (Muwoneleli wa 15 ka Março wa 2006)

5. Simama u thumela Jehovha hambi u txi xaniswa

VHIDHIYO: Vana ni txibindi hambi u txi xaniswa (6:27)

• Ati u nga ti wona ka vhidhiyo ti tsanisisa kutxani likholo lako?

Lera Mithumo 5:27-29 ni Vahebheru 10:24, 25. Msana ko lera m’bhalo wumwani ni wumwani bhulani ngu txiwotiso txiya:

• Ngu kutxani i di ta lisima kusimama hi thumela Jehovha hambi hi txi tsimbiswa kutxhumayela ni kuya mitshanganoni?