GONDO 1

Txiwuletiso txa txinene

Mithumo 17:22

ATI HI NO BHULA NGU TONA: Txiwuletiso txako txi fanete txi wusa kutsakela, veka mhaka ha kubasani, ni kukombisa ti to ngu kutxani mhaka yoneyo i di ya lisima ka vaengiseli vako.

U NGA MAHISA KUTXANI:

Wusa kutsakela. Sawula txiwotiso, timhaka ta ditshiku ni ditshiku mwendo mahungu aya ma no maha ti to vaengiseli vako ve tsakela.

Kukhata, pimisisa ngu ti vaengiseli vako va ti tsakelako, sikarato sawe, se u yelanisa txiwuletiso txako ni siemo sawe.
Veka ha kubasani mhaka yako. Maha ti to txiwuletiso txako txi veka ha kubasani msungo wa mhaka ni txikongomelo txa kona ka vaengiseli vako.
Kombisa lisima la mhaka. Dibhulo dako di yelanisi ni silaveko sa vaengiseli vako. Va fanete ve pfisisa ti to mhaka yoneyo yi nga va vhunisa kutxani ka wutomi wawe.

Ngako u txi lulamisela m’womba-wombo, ti wotise ti to ‘ngu sihi siemo si vanathu va dibanzani kwangu va wonisanako naso?’ Ngu toneto, u nga lulamisela txiwuletiso txako ngu kuya ngu silaveko sawe.