Tshukwatisa wusikoti wo txhumayela—Ema kutsimbitisa sigondo asi si si vekiko mihando

NGU KUTXANI I DI TA LISIMA: Vathu va fanete kudhana ditina da Jehovha ti to ve hanyiswa. (Var 10:13, 14) Ditshuri ti to hi nga votshe ava va tumelako kugondelwa Bhiblia va lavako kuhanya ngu milayo ya Jehovha. Athu ha maha totshe ti hi nga ti kotako ti to hi thumisa kwati mbimo yathu ya lisima hi di kutxhumayelani ti to hi vhuna ava va lavako kutsakisa Jehovha. Ngako txigondo txa Bhiblia txi si thumisi a ti txi ti gondako na ku di pindile mbimo yo lapha hi txi gonda natxo, ngu wutxhari hi nga ema kugonda ti to hi thumisa mbimo yoneyo kasi ku na vhuna ava Jehovha a va ndindelako kwakwe ni ka sengeletano yakwe. (Joh 6:44) Kambe i di ti to m’thu eneyo ngu kutsimbila ka mbimo wa txitxa e kombisa ti to a “ni fanelo ya wutomi wo mbi guma,” hi nga khateta kugonda nayo.—Mith 13:48.

U NGA MAHISA KUTXANI:

• Ndunduzela txigondo ngu ku txi nga lava wuzivi awu wu nga kongoma.—1 Tim 2:4

• Txi txhamusele lisima lo thumisa ati txi nga ti gonda.—Luk 6:46-49

• Ngu nzila ya yinene bhula natxo ngu txidinganiso txa Jesu txa mphayi, u txi kombela txi alakanyisisa ngu ti ti txi tsivelako kuthumisa ati txi ti gondako.—Mat 13:18-23

• Ngu wutxhari txi txhamusele ti to ngu kutxani u txi ema kugonda natxo

• Txi gele ti to mbimo yimwani u na txi pfuxela ti to u txi tsanisa ni ti to gondo yi nga khateta ngako txi txo kombisa mihando ya ti txi gondako

XALELA VHIDHIYO NGU MSANA U XAMULA SIWOTISO ASI SI LONDISELAKO:

• U gondile txani ka mabhulo aya ma nga kombisa ti to txigondo txi si kuli ngu didhawa da moya?

• Muhuweleli a txi vhunisile kutxani txigondo ti to txi pfisisa to txi fanete kumaha kutxitxa ko kari?

• Muhuweleli a wu tulisile kutxani mkhanjo wo ta khateta gondo mbimo yi yi tako?