U na ti lulamiselisa kutxani ngu mbimo ya Txialakanyiso?

Ku khukhela dilembe diya, hi nava ni mbimo ya yingi yo ti lulamisela ka Txialakanyiso txa lifo la Kristu. Ngako txi di hagari ka divhiki, Mitshangano ya mahanyelo a Wukristu yi na mbi vaho. Ngako Txialakanyiso txi di magwito ka divhiki, m’wombawombo wa hakubasani ni gondo ya Muwoneleli kha si na mbi vaho. U na yi thumisisa kutxani mbimo yi yi nga ku tulekela? Kufana ni Makristu o khata, ti lava hi maha malulamiselo ka tximahakalo txi txo sawuleka. (Luk 22:7-13; km-T 3/15 1) Hotshethu kwathu ti lava hi lungiselela timbilu tathu. Hi nga ti mahisa kutxani toneto?

• Alakanyisisa ngu lisima la kuya ka Txialakanyiso.—1 Vak 11:23-26

• Maha mkombelo u tshumela u alakanyisisa ngu wuxaka waku ni Jehovha.—1 Vak 11:27-29; 2 Vak 13:5

• Gonda u tshumela u alakanyisisa ngu Mibhalo ayi yi womba-wombako ngu txhamuselo ya Txialakanyiso.—Joh 3:16; 15:13

Vahuweleli vamwani va lera ni kualakanyisisa ngu tindimana ta Kulera ka Bhiblia ka Divhiki da Txialakanyiso ati ti manekako ka Kuxolisisa Mibhalo ditshiku ni ditshiku. Vamwani va lera tindimana ati ti nga kombiswa ka dibhokiso da msungo mhaka wuwa. Vamwani va gonda misungu ya timhaka ya Muwoneleli ayi yi womba-wombako ngu Txialakanyiso ni lirando ali Jehovha ni Jesu va nga li kombisa ngu ngathu. Ku si nga ni mhaka ni ti to u sawula kugonda ngu txani, txa lisima ngu ti to ti kuvhuna kutshuketa ka Jehovha ni Mwanana wakwe.