GONDO 7

Womba timhaka ta ditshuri ati ti kholwisako

Luka 1:3

ATI HI NO BHULA NGU TONA: Thumisa timhaka to thembeka ti to u vhuna vaengiseli vako ve wona ditshuri vapune.

Tsaniseka ngu mu timhaka u ti manako kona. Seketela mapswi ako ka Dipswi da Txizimu, ti txi koteka di lere. U txi gwesa ta siyensiya, mahungu o kari, to kari ti ti nga maheka, mwendo sikombiso simwani, khata ngu kuxolisisa ti to mhaka yi u wombako ya thembeka mwendo kha ya pindelwa.
U nga mwalati timhaka. Txhamusela mibhalo mayelano ni ti Bhiblia yi ti gondisako, ni ti mabhuku a ‘txithumi txo thembeka na txi di ni wutxhari’ ma wombako tona. (Mat. 24:45) Thumisa kha kwati simwani a si u nga mana ka sona timhaka to kari u si tshotshi txikongomelo txa vabhali va kona.

U nga engetele timhaka mwendo mtengo. Ti wonele, kuwomba ku “vathu vamwani” kha ti fani ni ku “vathu vo tala,” “makhambi mamwani” kha ti fani ni ku “mbimo yotshe,” mwendo “ti nga maha” kha ti fani ni ku “ta maheka.”
Txhamusela kwati mhaka yako. Msana ko lera m’bhalo mwendo kugwesa simwani so mana ka sona timhaka, maha siwotiso ngu nzila ya yinene mwendo kumaha txikombiso ti to u vhuna vaengiseli kuwona ditshuri vapune.