Tekelela Josefa—Vayilela wugango

Josefa a hi vekete txikombiso txa txinene ngako hi txi dukwa ti to hi maha wugango. Mbimo yotshe kata nyamne wakwe a txi zumbela ku m’duka, kambe ene a lambile. (Gen 39:7-10) Ene a xamute atxi khene: “Ni nga sikotisa kutxani kumaha to biha ta hombe ni to ngeto ni kuonhela Txizimu kani?” a txi kombisa ti to ene a di tiemisete kuva ni mawonelo a Jehovha mayelano ni mtxhadho wo thembeka. Se mbimo yi txiemo txi nga ti nemela ngutu, ene a to huma e tutuma wule wamsikati kasi ku a si mahi wugango nayo. —Gen 39:12; 1 Vak 6:18.

XALELA VHIDHIYO YI YI KU: VAYILELA WUGANGO, U GWITA U XAMULA SIWOTISO SI SI LONDISELAKO:

• 

  Jorge a di ka txiemo txihi?

• 

  Ngu sihi siwotiso asi Jorge a nga ti wotisa mbimo yi a nga kombelwa ngu Marta ti to e m’vhuna mthumo wa txikolwani?

• Jorge a ti pfisile kutxani ngu txikombelo txa Marta?

• 

  Jorge a txi manisile kutxani txivhuno?

• 

  Jorge a mahile txani ti to e vayilela wugango?

• U gondile txani ka vhidhiyo yiya?