Jehovha wa vhikela vathu vakwe

Pasika yo khata i ve tximahakalo txa lisima ngutu. Ka wusiku wonewo, msana kova Faro a di tumbute ti to votshe vanana va majaha va matiwula va fite, ene a wombile tiya ka Mosi: “Khukhani, mi huma hagari ka vathu vangu, anu ni vanana vanu va ka Israyeli; tsulani mi txi ya thumela MKOMA nga ti mi nga womba.” (Eks 12:31) Jehovha a kombisile ti to mbimo yotshe wa hulukisa vathu vakwe.

Ngako hi txi wona matimu a ngweno a vathu va Jehovha, ha ti wona to Ene wa simama e va kongomisa ni ku va vhikela. Eto ti junyatisilwe ka muzewu wa mzinda wa ha mafuni kotshe, awu wu ku ni msungo mhaka wuwa: “Vathu va va dhanwako ngu ditina da Jehovha.”

XALELA VHIDHIYO YI YI KOMBISAKO MUZEWU KA WARWICK AYI YI KU: “VATHU VA VA DHANWAKO NGU DITINA DA JEHOVHA,” U GWITA U XAMULA SIWOTISO SI SI LONDISELAKO:

• 

  Ngu txihi txithumiswa txa txiphya atxi vagondi va Bhiblia va nga txi thumisa makhatoni ka 1914? Ku ve ni wuyelo yihi?

• 

  Ngu sihi sikarato asi vanathu va nga wonisana naso ngu 1916 ni 1918? Nji txani txi nga kombisa ti to Jehovha a ti kongomisa sengeletano yakwe?

• 

  Vathu va Jehovha va simamile ve thembeka ngu nzila yihi hambiku va nga ti kanetwa?

• 

  Ngu mahi mapfisiselo a maphya aya vathu va Jehovha va nga ma amukela ngu 1935? Eto ti va gwesile ngu nzila yihi?

• Ngako u di endete muzewu, nji txani u nga txi wona atxi txi nga tsanisa likholo lako ka ti to Jehovha wa kongomisa ni kuvhikela vathu vakwe?