Ina u nga seketela ka kuaka?

Nga ha Isaya a nga womba ngu kona nyamsi ha wona kukula ka hombe ka sengeletano ya Jehovha ya hamafuni kotshe. (Isa 54:2) Se eto ti lava ti to ku akwa Tinyumba ta tiphya ta Mfumo, Tinyumba ta Mitshangano ya Hombe kumweko ni ma Bhetele. Msana kova ti di akilwe ti lava kulungiswa ni kuwusetwa. Ngu yihi mikhanjo yi yi kuho ayi hi nga seketelako Jehovha ngu yona ngu mbimo ni mtamo wathu?

• Hi nga seketela ka kubasisa ka Nyumba ya Mfumo ngu mitxawa ya thembwe ayi hi nga avelwa ka yona

• Hi nga ti ningetela ti to hi gondiswa nzila yo lungisa Nyumba yathu ya Mfumo

• Hi nga tatisela Petisawu ya (DC-50) ti to hi thuma ka kuaka Tinyumba ta Mfumo ni kuwuseta ati ti ku hafuni ni mtini kwathu

• Hi nga tatisela petisawu ya mthumo wo tidhundela (A-19) ti to hi thuma divhiki mwendo kupinda ka Bhetele mwendo ka tinyumba ti ti lumbako Bhetele

XALELA VHIDHIYO YI YI KU: MAKUNGO O AKA TINYUMBA TA TIPHYA—TXIENGE, U GWITA U XAMULA SIWOTISO SI SI LONDISELAKO:

• Ngu kuhi kutxitxa aku ku nga vaho ko thumisa tivhidhiyo kukhukhela ngu 2014?

• Ngu ahi malulamiselo ma nga mahwa ti to kusimama kumahwa tivhidhiyo? Kuaka koneko ku na heta mbimo muni?

• Vathu vo tiningetela va nga vhunisa kutxani?

• Ngako m’thu a txi lava kuvhuneta ko aka khe Ramapo, ngu kutxani a di fanete kutatisela petisawu ya DC-50 ti to e vhuneta ka mthumo wo aka Tinyumba ta sengeletano hafuni ni mtini kwakwe?

• Ngu tihi a ti tikombisako ti to i Jehovha a thangelako mthumo wuwa?

• Ngu tihi tinzila a ti hi nga vhunetako ngu tona ka mthumo wuwa hambi ti si koteki ku pateka ko aka?